Charter Document - 05150073
| Charter Number: | 05150073 |
|---|---|
| Cartulary Title: | The Chartulary of the Abbey of Lindores |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1219 - 1259 |
| Date type: | Assigned |
| Resource Link(s): |
People of Medieval Scotland |
Charter:
Omnibvs hoc scriptum uisuris uel audituris Conanus filius henrici quondam Comitis de Athoyle Salutem Sciatis me dedisse concessisse et hac presenti carta mea confirmasse deo et abbacie de Lundors et Domino Johanni tunc abbati et monachis ipsius abbacie deo seruientibus et seruituris pro salute anime mee et uxoris mee et puerorum meorum et omnium antecessorum et successorum meorum lignum siccum quod dicitur mortuum boscum ad ardendum quantum uoluerint et ligna que dicuntur Wrawes de bule et de auhne quantum opus habuerint Et centum tractus uirgarum de corilo ad trahas suas faciendas et centum longas uirgatas ad circulos faciendos Capiendas annuatim de Bosco meo Tulyhen vbi melius et propius eis fuerit et habenda sibi et successoribus suis de me et heredibus meis in perpetuum et unum messuagium in terra mea ubi manere possint homines illorum qui predicta ligna secabunt et ad aquam trahent cum pastura ad v uaccas et ad unum equum in puram liberam et perpetuam elemosinam scilicet vbicunque uacce mee pascunt sine omni exaccione seruicio et demanda seculari Et ego et heredes mei warentizabimus eis predictam elemosinam in perpetuum Testibus Dominis colino de Lundyn Radulfo de Fefwerel militibus Johanne de Hastinges Ewyn filio meo Hath filio Gilbrid genero meo Madith de Clonyn Johanne de Klogestoun Michaele de Galewath Roberto filio Ylyf et aliis
Source (click image below to view full size)
