Charter Document - 05150068
| Charter Number: | 05150068 |
|---|---|
| Cartulary Title: | The Chartulary of the Abbey of Lindores |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1240 - 1247 |
| Date type: | Assigned |
| Resource Link(s): |
People of Medieval Scotland |
Charter:
Omnibvs hoc scriptum uisuris uel audituris Rogerus de Berkeley salutem in domino Sciatis me dedisse concessisse et hac presenti carta mea confirmasse deo et monasterio Sancte Marie et Sancti Andree de Lundors et monachis ibidem deo seruientibus et seruituris pro salute anime mee et Margarete uxoris mee et animarum omnium antecessorum et successorum meorum vnam bouatam terre in manerio meo de forgrund scilicet totam terram illam quam habui ad partem meam de terra que quondam fuit in contencione inter forgrunt et Eglesmagrille pro ix acris et quatuor acras que iacent propinquiores illis uersus aquilonem Tenendam sibi de me et heredibus meis in puram et perpetuam elemosinam liberam et quietam ab omni seruicio et omni consuetudine et omni exaccione seculari Vnde ego et heredes mei predictam terram adquietabimus et warentizabimus contra omnes homines Testibus Domino Henrico de Striuelyn Domino Reginaldo de Warenne Domino Adam Oliphard Domino Alexandro de Striuelin Archebaldo fratre eius Radulfo senescaldo meo Postoyle maro meo Alwino seruiente meo et multis aliis
Source (click image below to view full size)
