Charter Document - 05150063
| Charter Number: | 05150063 |
|---|---|
| Cartulary Title: | The Chartulary of the Abbey of Lindores |
| Charter Language: | Latin |
| Charter Origin: | Religious |
| Charter Type(s): | Settlement |
| Date: | 1248 |
| Date type: | Internal, A.D., Calendar |
| Resource Link(s): |
People of Medieval Scotland |
Charter:
Omnibvs hoc scriptum uisuris uel audituris Dauid dei gracia episcopus Sancti Andree eternam in domino salutem Noueritis quod cum mota esset controuersia inter abbatem et conuentum de lundors ex una parte et Dominum Henricum de Dundemor militem ex altera super seruicio capelle de Dundemor Tandem partibus coram nobis constitutis in sinodo nostra celebrata apud Perth anno gracie MCCXL octauo quarto nonas Junij consencientibus eisdem partibus in nos et nostre ordinacioni se submittentibus sub hac forma ordinacionis videlicet [quod dicti abbas et conuentus dabunt singulis annis domino Henrico de Dundemor et heredibus suis viginti et quinque solidos ad sustentandum] vnum capellanum ministrantem in capella de Dundemor percipiendos per manum capellani qui pro tempore ministrabit in matrici ecclesia de Ebedyn ad duos terminos anni scilicet duodecim solidos et sex denarios ad festum Sancti Martini in hyeme et duodecim solidos et sex denarios ad Penthecosten saluo iure matricis ecclesie de Ebedyn in omnibus Ita uidelicet quod omnes parochiani de Dundemor excepta propria familia domus domini H de Dundemor et heredum suorum uenient ter in anno ad matricem ecclesiam de Ebedyn scilicet die Natalis Domini et die Pasce et die Sancti Andree apostoli et percipient in matrice ecclesia omnia sacramenta sua Dictus uero H et heredes sui honeste facient deseruiri dicte capelle et capellano qui in eadem celebrabit diuina in omnibus necessaria inuenient Nec unquam de cetero aliquid exigent a dictis abbate et conuentu nisi predictos xx et v solidos Capellani uero qui in dicta capella ministrabunt iuramentum prestabunt quod fideles erunt matrici ecclesie de Ebedyn et omnes oblaciones que in dicta capella fient eidem ecclesie de Ebedyn fideliter persoluent Dictus uero abbas ornatum per visum proborum hominum sufficientem tam in libris quam in uestimentis et calice dicte capelle semel inuenient et dictus H et heredes sui dictum ornatum sumptibus suis in perpetuum sustentabunt Et ad hec fideliter obseruanda dictus abbas pro se et conuentu et dictus Henricus pro se et heredibus suis in manu magistri Andree de Aberdon tunc officialis Sancti Andree affidauerunt Nos uero ad maioris roboris firmitatem predictam ordinationem in modum chirographi confectam Cuius ordinacionis una pars penes abbatem et conuentum alia penes Henricum et heredes suos residet sigilli nostri munimine vna cum sigillorum Domini A archidiaconi Sancti Andree et magistri A de Aberden Officialis nostri et parcium apposicione communimus
Source (click image below to view full size)
