Charter Document - 05150054

Cvm monasterium de lundors haberet quasdam terras sibi in perpetuam elemosinam collatas in parochia de Mothel scilicet fedal Beny et Cunecrach et idem monasterium immune sit a prestacione decimarum de noualibus suis et de nutrimentis animalium suorum per priuilegium sibi a sede apostolica indultum et ecclesia de Mothel ad mensam pertineat Domini Dumblanensis episcopi ne occasione dicti priuilegij ipsam ecclesiam contingeret enormiter ledi mediantibus uiris Discretis et juris peritis inter Dominum Clementem Dumblanensem episcopum de assensu capituli Dumblanensis nomine ecclesie de Mothel ex una parte et Dominum Johannem abbatem et Conuentum de Lundors nomine monasterij sui ex altera ita est amicabiliter compositum quod iidem abbas et conuentus in perpetuum habebunt omnimodas decimas predictarum terrarum quocunque nomine censeantur a quibuscunque terre ipse fuerint inhabitate liberas et quietas ab omni exaccione et consuetudine et persoluent annuatim eidem ecclesie de Mothel sex marcas sterlingorum ad duos terminos scilicet tres marcas ad festum sancti Michaelis et tres marcas ad pasca De secularibus autem in dictis terris manentibus habebit dicta ecclesia obuenciones debitas tam pro uiuis quam pro defunctis Et in huius rei testimonium perpetuum huic scripto inter partes confecto signa partium sunt apposita signum scilicet partis unius scripto partis alterius Testibus Domino H abbate de insula missarum Dompno W Decano Dumblanensi Domino ferguso filio Comitis magistro luca archidiacono Domno Adam priore de Abberbrodoc Domino Andrea priore de Abernythyn magistro Christiano Gillebaran capellano Padin Presbytero de mothel Acta in sinodo de Gask crist vij Idus aprilis anno gracie MCCXXXIX