Charter Document - 05150051
| Charter Number: | 05150051 |
|---|---|
| Cartulary Title: | The Chartulary of the Abbey of Lindores |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1235 |
| Date type: | Internal, A.D., Calendar |
| Resource Link(s): |
People of Medieval Scotland |
Charter:
Vniversis Christi fidelibus ad quos presens scriptum peruenerit Clemens dei gracia Dumblanensis Episcopus eternam in domino Salutem Ea que iudicio uel concordia terminata sunt ne aliquorum improbitate uel astucia in recidiue contencionis iurgia relabantur dignum est autentici scripti perpetuare munimine Ea propter ad vniuersitatem vestram uolumus peruenire nos de assensu cleri nostri dioecesis ratam habere sentenciam uirorum uenerabilium Domini Willelmi Episcopi Hugonis Decani et Roberti thesaurarii ecclesie Glasguensis quam auctoritate Domini pape Gregorii Noni tulerunt super arbitrio Domini Willelmi Episcopi Sancti Andree quondam prolato super controuersia mota inter A bone memorie predecessorem nostrum et abbatem et conuentum de lundors super ecclesia de Mothel per quod arbitrium causati sumus ecclesiam Dumblanensem fuisse lesam Qui equitate pensata arbitrium equum et rite prolatum pronunciaverunt et excessum factum in taxacione redditus Decem marcarum vnde dictam ecclesiam lesam perpenderunt corrigentes condemnauerunt dictos abbatem et monachos nomine monasterij sui nobis et successoribus nostris nomine predicte ecclesie Dumblanensis in Quinque marcis argenti annuatim soluendis Quam sentenciam quia in commodum predicte ecclesie nostre lata est acceptamus et Ratam habemus bona fide in periculo anime nostre et animarum successorum nostrorum promittentes quod super predicto arbitrio nullam de cetero mouebimus questionem set sicut a predecessore nostro susceptum est et in instrumento super hoc confecto plenius expressum et auctoritate Domini pape a iudicibus prenominatis confirmatum illud sine cauilacione et dolo obseruabimus in perpetuum Et ut hoc futuris temporibus robur firmitatis obtineat huic scripto sigillum nostrum apposuimus actum in sinodo nostra in ecclesia de Outerardouer coram prelatis et clero nostre dioecesis Non Maij anno gracie MCCXXX Quinto Ego Clemens Episcopus consencio et subscribo Ego R abbas subscribo Ego J abbas subscribo Ego P abbas subscribo Ego Hugo abbas de sancto Seruano subscribo Ego Gilbertus archidiaconus Dumblanensis subscribo Ego lucas vicarius ecclesie de Methel subscribo Ego Martinus Decanus de Menethet subscribo Ego Henricus subscribo Ego Mauricius prior Keledeorum de Mothel subscribo Ego Andreas prior Keledeorum de Abernethyn subscribo
Source (click image below to view full size)
