Charter Document - 05150043
| Charter Number: | 05150043 |
|---|---|
| Cartulary Title: | The Chartulary of the Abbey of Lindores |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1211 - 1223 |
| Date type: | Assigned |
| Resource Link(s): |
People of Medieval Scotland |
Charter:
Omnibvs has litteras uisuris uel audituris Gilbertus Comes de Strathern Salutem Nouerit uniuersitas vestra de assensu et uoluntate mea et Roberti heredis mei per virum venerabilem Willelmum episcopum Sancti Andree causam que uertebatur inter uenerabilem patrem nostrum Abraham episcopum Dumblanensem ex una parte et Dominum Guidonem abbatem et monachos de Lundors ex alia super ecclesiam de Mothel amicabiliter esse terminatam iuxta quod in autentico instrumento inter eosdem super predicta pace confecto continetur Ita quod ego pro me et heredibus meis in me et heredes meos suscepi onus exercitus que debetur de terra de Eglesmagril que eisdem abbati et monachis est assignata pro annuo redditu sex marcarum in perpetuum et ne hoc factum meum aliquem possit latere in posterum ipsum presentis pagine testimonio et sigilli mei apposicione dignum duxi declarandum Hiis testibus Willelmo episcopo Sancti Andree Abraham episcopo Dumblanensi Bricio persona de Crefe et eius filio malisio Rogero de Mortimero Reginaldo de Dunbernyn Gillenem et malisio senescallis Comitis anecol et Gillemor filio eius cum multis aliis
Source (click image below to view full size)
