Charter Document - 05150042
| Charter Number: | 05150042 |
|---|---|
| Cartulary Title: | The Chartulary of the Abbey of Lindores |
| Charter Language: | Latin |
| Charter Origin: | Religious |
| Charter Type(s): | Settlement |
| Date: | 1211 - 1219 |
| Date type: | Assigned |
| Resource Link(s): |
People of Medieval Scotland |
Charter:
Cvm auctoritate Domini pape Innocencii iij coram iudicibus delegatis scilicet Simone et Johanne prioribus de Sancto Andrea et de May et magistro laurencio archidiacono Sancti Andree super ecclesia de Mothel questio mouetur inter Dominum Abraham episcopum Dumblanensem ex vna parte et Guidonem abbatem et conuentum de lundors ex alia Post multas hinc inde altercaciones predictus episcopus de assensu Nobilis uiri Gilberti Comitis de Strathern et Roberti heredis eius et Gilberti archidiaconi episcopi et Elphini prioris de Incheaffran et cleri eiusdem dioecesis ex vna parte et predictus Guido abbas de Lundors de assensu conuentus sui ex alia commiserunt se iurisiurandi sacramento interposito potestati Willelmi bone memorie episcopi Sancti Andree ut ipse appellacione remota inter episcopatum Dumblanensem et monasterium de lundors super ecclesia de mothel pacem perpetuam prouideret Ipse uero assumptis secum uiris prudentibus et discretis sub hac forma inter predictas et pacem formauit scilicet quod predictus episcopus de assensu predictorum concessit deo et ecclesie sancte Marie et sancti Andree de lundors et abbati et monachis ibidem deo seruientibus et seruituris annuum redditum decem marcarum arbitrio boni uiri ita assignatarum scilicet uillam que dicitur Eglesmagril per rectas diuisas suas cum omnibus iustis pertinenciis suis in bosco et plano in pratis et pascuis in moris et stagnis et aquis et molendinis et omnibus aliis asiamentis pro annuo redditu sex Marcarum liberam et quietam ab auxiliis et exercitibus et canis et consueti bus et omni seruicio et exaccione et consuetudine seculari Ita quod predictus Gilbertus Comes de Strathern pro se et heredibus suis in perpetuum suscepit onus exercitus et Dominus Episcopus Abraham Dumblanensis et successores sui omnia alia onera sustinebunt et insuper ecclesiam eiusdem uille cum omnibus iustis pertinenciis suis in assignacionem redditus duarum marcarum liberam et quietam ab hospiciis et procuracionibus et auxiliis et ceteris episcopalibus preter cathedraticum et canonicam iusticiam et omnes decimas et decimaciones de Cletheues tam de blado quam de omnibus aliis que decimari possunt in assignacionem duarum marcarum liberas et quietas ab omni oneri Hunc autem redditum decem marcarum ita libere et quiete in perpetuum a predicto monasterio possidendum predictus episcopus et successores sui contra omnes homines warentizabunt Dominus uero Guido abbas de lundors pro se et conuentu suo et successoribus suis quietum clamauit in perpetuum deo et ecclesie Dumblanensi et Domino Abraham eiusdem loci episcopo et successoribus suis ius quod petebat in ecclesiam de Mothel ex donacione nobilis viri malisij fratris predicti Comitis Gilberti et cartas quas super ecclesia eadem habuerunt Resignauerunt et ne idem episcopus uel aliquis successorum suorum a predicta concessione et donacione possit resilire uel predicti abbas et conuentus uel eorum successores contra suam quietam clamacionem possint uenire subicierunt se utrumque potestati predicti Willelmi episcopi sancti andree et eius successorum ut ipsi appellacione remota eos possint in perpetuum compellere stare predictis concessioni et quiete clamacioni Et in huius rei testimonium hec signa sunt apposita scilicet signum Domini Willelmi episcopi sancti Andree et signa iudicum delegatorum scilicet Simonis et Johannis priorum de sancto andree et de May et Magistri laurencii archidiaconi sancti andree et abrahe episcopi Dumblanensis et Gilberti Comitis de Stratherne et Gilberti archidiaconi Dunblanensis et cleri eiusdem dioecesis et signum prioris et conuentus de Incheaffray et signa filiorum Comitis G Roberti scilicet et fergusii
Source (click image below to view full size)
