Charter Document - 05150038
| Charter Number: | 05150038 |
|---|---|
| Cartulary Title: | The Chartulary of the Abbey of Lindores |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1214 - 1219 |
| Date type: | Assigned |
| Resource Link(s): |
People of Medieval Scotland |
Charter:
Omnibvs ad quos presens scriptum peruenerit Dauid de Sancto Michaele Salutem in domino Nouerit vniuersitas vestra me dedisse concessisse et hac presenti carta mea confirmasse deo et ecclesie Sancte Marie et Sancti Andree de Lundors et monachis ibidem deo seruientibus pro salute anime mee et anime patris mei et animarum omnium antecessorum et successorum meorum in liberam puram et perpetuam elemosinam redditum quem solebam annuatim percipere de tofto illo in munros quem bone memorie Rex Willelmus dedit Willelmo de Sancto Michaele patri meo et heredibus suis quem videlicet toftum Henricus Griser quondam tenuit de predicto Willelmo patre meo et postea de me Quare uolo ut predicti monachi habeant et possideant omne ius et dominium quod habui uel habere debui in predicto tofto die quo feci eis hanc donacionem liberum et quietum de me et heredibus meis in perpetuum sine omni consuetudine seruicio et exaccione seculari ita libere quiete plenaria et honorifice sicut aliquam elemosinam liberius et quiecius in toto regno Scocie tenent et possident Hiis testibus Philippo clerico senescallo Comitis Dauid Domino Johanne Giffard Waltero de Cungertune Thoma de Maleuile Michaele de Inchethor Waltero de maleuile Willelmo de munfort et aliis
Source (click image below to view full size)
