Charter Document - 05150033
| Charter Number: | 05150033 |
|---|---|
| Cartulary Title: | The Chartulary of the Abbey of Lindores |
| Charter Language: | Latin |
| Charter Origin: | Religious |
| Charter Type(s): | Quitclaim |
| Date: | 1214 - 1225 |
| Date type: | Assigned |
| Resource Link(s): |
People of Medieval Scotland |
Charter:
Omnibvs sancte matris ecclesie filiis hoc scriptum uisuris uel audituris capitulum ecclesie Dunkeldensis Salutem Nouerit uniuersitas uestra nos assensu et auctoritate Domini nostri Episcopi H dunkeldensis et communi consilio tocius capituli ecclesie nostre de Dunkeld remisisse et quietum clamasse in perpetuum ecclesie sancte marie et sancti andree de Lundors et monachis ibidem deo seruientibus et seruituris consuetum et redditum quem percipere solebamus ad opus Macleins et Scoloccorum in dimidia dauach terre de Rathengoten pro quatuor solidos quos Malisius filius Comitis ferthet de Strathern et heredes sui nobis et successoribus nostris et ecclesie nostre in perpetuum persoluent sicut carta eiusdem Malisij inde facta et confirmacio Domini Alexandri Regis Scottorum et Domini Gilberti comitis de Strathern et Domini Roberti heredis sui testantur Quare uolumus ut predicti monachi de Lundors tam presentes quam futuri predictam dimidiam Dauacatam terre de Rathengoten liberam teneant in perpetuum et quietam ab omni exaccione que a nobis et successoribus nostris de cetero possit exigi et ut hec nostra quieta clamacio robur perpetue firmitatis optineat presens scriptum sigilli nostri apposicione Roborauimus Hiis testibus H archidiacono Dunkeldensi Matheo Decano Magistro Matheo Eugenio clerico Johanne de hetun Magistro Roberto de Rapellis Michaele persona de Kinrossyn Willelmo capellano Dunkeldensi Nazaro capellano B capellano de Kergille B clerico Domini H Episcopi Thoma capellano Magistro alano et multis aliis
Source (click image below to view full size)
