Charter Document - 05150018
| Charter Number: | 05150018 |
|---|---|
| Cartulary Title: | The Chartulary of the Abbey of Lindores |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1232 - 1237 |
| Date type: | Assigned |
| Resource Link(s): |
People of Medieval Scotland |
Charter:
Omnibvs Sancte Matris ecclesie filiis ad quos presens scriptum peruenit J de Scocia comes Cestre et Huntedon salutem in domino Noveritis me pro salute anime mee patris mei et matris mee et omnium antecessorum meorum et successorum dedisse concessisse et hac presenti carta mea confirmasse deo et ecclesie beate Marie de Lundors et monachis ibidem deo servientibus unum toftum in uilla de Inuerberuyn illud videlicet quod fuit Utting Cachepol juxta castrum ex parte australi pro escambio illius toftis quem Comes David pater meus eis dedit in eadem uilla et unum toftum in uilla de Inueruri ad opus ecclesie ejusdem uille et capellanorum ibidem serviencium Illud scilicet dimidium toftum qui fuit Roberti de Bouerdyn et unam rodam que fuit Bernardi et aliam rodam que fuit Utting Ruffi Tenenda et habenda de me et heredibus meis in perpetuum libere quiete integre pacifice et honorifice cum omnibus pertinenciis libertatibus et aisiamentis ad predicta tofta pertinentibus in liberam puram et perpetuam elemosinam In cujus rei testimonium huic scripto feci apponere sigillum meum Hiis testibus dominis Henrico de Strivelyn Simone de Garentuli Willelmo de Lacu Walone de Burg Girardo de Lindeseye Ada de Audideleger Nicholao de Inuerpephin Roberto de Wrth clerico et aliis
Source (click image below to view full size)
