Charter Document - 05150008
| Charter Number: | 05150008 |
|---|---|
| Cartulary Title: | The Chartulary of the Abbey of Lindores |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1199 - 1215 |
| Date type: | Assigned |
| Resource Link(s): |
People of Medieval Scotland |
Charter:
Vniversis Sancte matris ecclesie filiis et fidelibus tam futuris quam presentibus comes Dauid frater Regis Scottorum Salutem Sciatis me dedisse et concessisse et hac presenti carta mea confirmasse deo et ecclesie Sancte Marie et Sancti Andree de Lundors et monachis ibidem [deo] seruientibus pro salute anime mee et animarum antecessorum et successorum meorum totam terram de pethergus per rectas diuisas suas et terram que iacet inter torrentem de Matheres et torrentem de eglesgirg sicut cadunt in mari et duas bovatas terre in Pethannot pro centum solidatis terre in liberam et puram et perpetuam elemosinam in bosco et plano In pratis et pascuis et pasturis In moris et mariscis In stagnis et uiuariis in aquis et molendinis et in piscariis et in omnibus aliis libertatibus predictis terris iuste pertinentibus Quare uolo et concedo ut predicti monachi de Lundors habeant et possideant predictas terras cum omnibus iustis pertinenciis suis ita libere quiete plenaria et honorifice sicut aliqua abbacia uel domus religionis in toto regno Scocie aliquam elemosinam liberius quiecius plenius et honorificencius tenet at possidet Hiis testibus Waltero Olifard Henrico filio Comitis Dauid Walkelino filio Stephani Willelmo Wascelyn Roberto filio Roberti Johanne de Wiltun Gilberto Scoto Willelmo filio Orme Roberto de Inuerkileder Alano clerico de Munros Simone Albo cum multis aliis
Source (click image below to view full size)
