Charter Document - 05150005
| Charter Number: | 05150005 |
|---|---|
| Cartulary Title: | The Chartulary of the Abbey of Lindores |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1199 - 1207 |
| Date type: | Assigned |
| Resource Link(s): |
People of Medieval Scotland |
Charter:
Sciant presentes et futuri quod Ego comes Dauid frater Regis Scocie dedi et concessi et hac presenti carta mea confirmaui deo et ecclesie Sancte Marie et Sancti Andree de Lundors et monachis ibidem deo seruientibus pro salute anime mee et uxoris mee et antecessorum et successorum meorum omne ius quod habui in culsamuel et in Munkegyn saluo cano quod pertinet ad episcopum Sancti Andree scilicet vj solidos et vj denarios de culsamuel et iiij solidos et iiij denarios de Munkegyn in liberam et puram et perpetuam elemosinam Concedo eciam eis curiam suam liberam et quietam de hominibus suis qui manent in terris ecclesiarum suarum Preterea concedo eis ut homines sui proprij quieti sint ab omni telonio et consuetudine seculari Nolo autem quod predicti monachi aliquem firmari orum meorum uel hominum super terras suis recipiant Quare uolo ut prefati monachi predicta teneant et possideant ita libere et quiete plenaria et honorifice sicut aliqua abbacia in regno domini Regis fratris mei elemosinam liberius et quiecius plenarius et honorificencius tenet et possidet Hiis testibus domino J episcopo de Aberdon Roberto decano de Aberdon Malisio filio comitis fertheth W Olifart duobus Henricis filiis comitis Roberto de parco J de Wiltune W Wascelyn R capellano Kineth iudice H de Bouilla N filio Malcolmi Waldeuo clerico H de Noiers clerico comitis Gilberto clerico comitis
Source (click image below to view full size)
