Charter Document - 05150003

Vniversus sancte matris ecclesie filiis et fidelibus tam presentibus quam futuris Comes Dauid frater Regis Scottorum Salutem Sciatis me fundasse quandam abbaciam apud Lundors de ordine Kelkoensi ad honorem dei et sancte marie virginis et Sancti Andree apostoli omniumque sanctorum pro salute anime Regis David aui mei et pro salute anime Comitis Henrici patris mei et comitisse Ade matris mee et Malcolmi Regis fratris mei et pro salute anime Regis Willelmi fratris mei et Regine Armengard et omnium antecessorum meorum et pro salute anime mee et Matildis comitisse sponse mee et pro salute anime Dauid filij mei et omnium successorum meorum et pro salute animarum fratrum et sororum mearum Concessi eciam et hac carta mea confirmaui predicte abbacie de Lundors et monachis ibidem deo seruientibus in liberam et puram et perpetuam elemosinam ecclesiam de Lundors cum omnibus pertinenciis suis et terram ad eandem ecclesiam pertinentem in bosco et plano sicut eam magister Thomas tenuit et habuit et ecclesiam de Dunde cum omnibus pertinenciis suis et ecclesiam de fintreth cum omnibus pertinenciis suis et ecclesiam de Inuerurin cum capella de Munkegyn et cum omnibus aliis pertinenciis suis et ecclesiam de Durnach et ecclesiam de prameth et ecclesiam de Rathmuriel et ecclesiam de Inchemabanin et ecclesiam de Culsamuel et ecclesiam de Kelalcmund cum capellis earundem ecclesiarum et terris et decimis et omnibus aliis pertinenciis earum ad proprios usus et sustentaciones eorundem monachorum Quare uolo et concedo ut predicti monachi habeant et teneant in liberam et puram et perpetuam elemosinam predictas ecclesias cum capellis terris et decimis et omnibus aliis pertinenciis suis sine omni seruicio et consuetudine et auxilio seculari et exactione bene et in pace libere quiete plenaria integre et honorifice sicut aliqua abbacia uel domus religionis in toto regno Scocie melius liberius quiecius plenarius et honorificencius aliquas ecclesias uel aliquas alias elemosinas habet et possidet Has autem ecclesias prenominato monasterio de Lundors et monachis ibidem deo seruientibus Ita libere et pacifice iure perpetuo possidendas concessi et confirmaui vt mihi succedencium nullus aliquid ab eis nisi solas oraciones ad anime salutem exigere presumat Hiis testibus Willelmo Rege Scocie Johanne episcopo Aberdonensi Radulfo episcopo Brechinensi Osberto abbate Kelchoensi Henrico abbate de Aberbrodoc Simone archidiacono de Aberdoen Roberto decano de Aberdoen Waltero officiali Matheo de Aberdoen clerico domini Regis Dauid de Lindesei Waltero Olifer Walkelino filio Stephani Willelmo Wascelin Roberto Basset Galfrido de Wateruile Normanno filio Malcolmi Henrico de Beyuile Matheo falconario Simone flammang cum multis aliis