Charter Document - 05140003
| Charter Number: | 05140003 |
|---|---|
| Cartulary Title: | Miscellaneous Monastic Charters [Scotland] |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1237 |
| Date type: | Internal, A.D. |
| Resource Link(s): |
|
Charter:
Amicabilis Composicio siue perambulacio inter Abbatem et Conuentum de Scona et dauid de haya militem de Donerdy Inferiore Anno gracie mccmxxxvii mense mayo Cum mota esset controuersia inter Abbatem et Conuentum de Scona ex una parte Et dominum Dauid de Haya ex altera super quibusdam secundis decimis de terris domini Dauid de haya In cars de Gouerin quas ipsi Abbas et Conuentus de Scona coram Iudicibus delegatis petebant Et super quodam marisco quod Iacet inter terram predicti [rectius predictorum] Abbatis et Conuentus que vocatur Drundyn de sublebra et terram dicti Dauid de Haya que est ex opposito in carso de gouerin Facta est hec Amicabilis composicio de consensu domini Abbatis et Conuentus de Scona et domini Dauid de Haya et heredum suorum viz quod predicti Abbas et Conuentus predictas decimas petitas predicto Dauid et heredibus suis imperpetuum quietas clamauerunt Et mariscum predictum inter se diuiserunt secundum fossatum quod per visum proborum hominum per mariscum predictum protensum est Preterea conuenit inter predictas partes quod de cetero de predictis diuisis predictarum terrarum nullam mouebunt questionem Set utraque pars alteram consiliis et auxiliis fidelem se exhibebit Et ad hoc fideliter obseruanda utraque pars in manu Galfridi Dunkeldensis Episcopi fidem dederunt Et ad perpetuam huius composicionis firmitatem Sigillum predicti Episcopi vna cum Sigillis Iudicum delegatorum et partium huic scripto sunt appensa Hiis testibus Domino G Episcopo Dunkeld Abbate de Cupro Domino Johanne de Haya domino Andrea persona de Innchetor domino Henrico de Abernyt Johanne de Cambroun Patricio de Abirnethy Malcolmo de haya Radulpho de kynard et multis aliis
Source (click image below to view full size)
