Charter Document - 05140002
| Charter Number: | 05140002 |
|---|---|
| Cartulary Title: | Miscellany of the Scottish History Society |
| Charter Language: | Latin |
| Charter Origin: | Royal |
| Charter Type(s): | Order |
| Date: | 1232 |
| Date type: | Internal, Calendar, Regnal |
| Resource Link(s): |
People of Medieval Scotland |
Charter:
Alexander dei gratia rex Scocie Omnibus vicecomitibus tocius terre sue salutem Mandamus uobis firmiter precipientes quatinus cum monachi uel fratres de sancto Edwardo in fif ad nos accesserint de aliquibus malefactoribus conquerentes qui aueria sua uel pecuniam suam furtim abduxerint uel subtraxerint causas dictorum monachorum et fratrum de sancto edwardo tanquam causam nostram propriam prosequamini appellaciones et responsiones contra ipsorum malefactores secundum genus cause sue facientes et pugnatorem si forte opus fuerit ex parte nostra eisdem monachis et fratribus inuenientes donec causa eorundem consideracione uirorum discretorum uel composicione mediante fine debito terminetur Cum autem causa sepe dictorum monachorum uel fratrum fine debito sicut dictum est fuerit terminata et malefactores eorum in sua fuerint conuicti uel quasi conuicti malitia uolumus ut dictis monachis uel fratribus aueria sua uel pecunia que eisdem fuerint sublata de catallis malefactorum suorum plene sint restituta Foris facta uero et amissiones in quas dicti malefactores uel eorum plegii per delicta sua inciderint ad nostram potestatem secundum quod ius decreuerit omnino deuoluatur Fratres autem de sancto Edwardo et eorundem homines latores presencium sub firma pace nostra et protectione iuste suscepimus firmiter prohibentes ne quis iniuriam uiolenciam uel grauamen aliquid eisdem iniuste inferat uel inferre presumat super nostram plenarium foris facturam Testibus Willelmo de Bondingtuna Cancellario Waltero filio Alani senescalli Justiciario Scocie Laurentio de Abbirnithin Patricio filio Comitis Patricii Dauid de Lyndeseia Patricio de Abbirnithin Anselmo de Camelin Johanne de Monteforti apud Selechirk Decimo die Februarii Anno regni domini regis Octaui decimi
Source (click image below to view full size)
