Charter Document - 05130262
| Charter Number: | 05130262 |
|---|---|
| Cartulary Title: | Early Scottish Charters Prior to A.D. 1153 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1145 - 1153 |
| Date type: | Assigned |
| Resource Link(s): |
People of Medieval Scotland |
Charter:
Omnibus Sancte Matris ecclesie filiis Andreas Dei gratia Katenensis episcopus salutem et episcopalem benedictionem Noscant tam posteri quam presentes me dedisse et presentis scripti munimine confirmasse Deo et ecclesie Sancte Trinitatis de Dunfermelyn in perpetuam elemosinam pro salute anime Illustris David Regis Scotie et predecessorum suorum et successorum et pro salute anime mee ecclesiam Sancte Trinitatis de Dunkelden cum omnibus his que ad eam juste pertinent scilicet Fordouin Dunmernach Bendactehin Cupermaccultin Inchethurfin Chethec Si quis autem ausu temerario contra hoc venire presumpserit sciat se contra ipsum mundi Salvatorem niti et ideo nisi resipuerit eterne dampnationis sententiam incurrere