Charter Document - 05130256
| Charter Number: | 05130256 |
|---|---|
| Cartulary Title: | Early Scottish Charters Prior to A.D. 1153 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1150 - 1153 |
| Date type: | Assigned |
| Resource Link(s): |
|
Charter:
Universis sancte matris ecclesie Robertus Dei gratia minister humilis ecclesie Sancti Andree salutem et episcopalem benedictionem Quum ad officium nostrum spectare novimus in ecclesia Dei edificare et que edificata sunt in melius emendare dignum duximus ut ea que in ecclesia Dunfermelensis confirmanda exstiterant carta nostra quantum ad nos pertinet confirmarentur Dominica gratia moniti et freti auctoritate tam absentibus quam presentibus innotescimus nos concessisse et carta nostra confirmasse ut prefata ecclesia omnia illa que sibi in elemosina data sunt ita libere et quiete ab omni servitio et exactione seculari possideat sicuti aliqua ecclesia melius et liberius possessiones suas tenere debet et maxime ea que ad episcopalia jura pertinent videlicet ecclesiam de Perth et illam de Struelin et scolas et cetera omnia ad eas pertinentia et ecclesiam de Nithbrin et ecclesiam de Kinglassin et ecclesiam de Kircalethin et capellam de Innerkethyn et ecclesiam de Inviresc et capellam de Cousland et decimas de Keeth et ecclesiam de Wymet et ecclesiam de Hala cum omnibus appendiciis salvo jure episcopali et consuetudine Huic carte siquis in stimulatione diabolica agitatus obviaverit et ex his aliquod perverse diminuerit nisi ad congruam satisfactionem inde venerit ab eo Dominus misericordiam suam auferat et ipsum de libro viventium deleat Testibus abbate W de Sancta Cruce et R priore de Sancte Andrea et T archidiacono de Laudonia et M archidiacono de Sancte Andrea et A decano et W capellano et Magistro Thoma et Magistro H