Charter Document - 05130255
| Charter Number: | 05130255 |
|---|---|
| Cartulary Title: | Early Scottish Charters Prior to A.D. 1153 |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 1145 - 1153 |
| Date type: | Assigned |
| Resource Link(s): |
People of Medieval Scotland |
Charter:
David Rex Scottorum Episcopis abbatibus baronibus justitiariis vicecomitibus et omnibus hominibus totius terre sue Francis Anglicis et Scottis salutem Sciant tam posted quam presentes me ad domus Dei dilatationem et ad sancte religionis propagationem dedisse et concessisse Deo et ecclesie Sancte Trinitatis de Urchard et hac mea carta priori et fratribus ibidem servientibus confirmasse Urchard per suas rectas divisas et duas Finfans per suas rectas divisas et Fochoper per suas rectas divisas et communionem pascuum animalibus et unam piscariam in Spe et in firma burgi de Elgin xx solidos et de dominicis hominibus eorum qui sunt in Fochoper rectitudinem piscis que ad thaynum pertinet et decimam cani de Ergaithel de Muref et placitorum et totius lucri ejusdem Ergaithel Preterea concede et hac mea carta confirmo donationem abbatis et totius conventus de Dunfermelyn scilicet Pethenach juxta Eren per suas rectas divisas et scalingas de Fathenechten et omnes rectitudines quas monachi de Dunfermlyn in Muref habere solebant quas tali conditione ecclesie de Urchard et fratribus ibidem Deo servientibus liberas et quietas ab omni exactione mea concessione et confirmatione concedunt ut obeunte persona alia de electione fratrum et de consilio abbatis de Dunfermlyn et assensu Regis si idoneus ibi inveniatur subrogetur sin autem de ecclesia de Dunfermelyne accipiatur Hec personarum subrogatio inviolabiliter in perpetuum inter eos sicut predictum est conservetur Volo etiam et precipio quod ecclesia predicta et prior et fratres ejusdem loci habeant et teneant res predictas ita libere et quiete sicut aliqua ecclesia in terra mea habet et tenet quietius et liberius T Andrea episcopo et multis aliis