Charter Document - 05130242

David Rex Scottorum Episcopis abbatibus comitibus justitiariis baronibus vicecomitibus ministris et omnibus hominibus totius terre sue Francis Anglis et Scottis et Gallowidensibus salutem Sciant tam posteri quam presentes me concessisse et dedisse et hac mea carta confirmasse ecclesie Sancte Marie de Drybrughe quam fundavi et fratribus canonicis ibidem Deo servientibus pro salute anime mee et pro salute animarum predecessorum et successorum meorum ad tenendum de me et heredibus meis in liberam et perpetuam elemosinam ecclesiam de Drybrughe cum capellis decimis oblationibus et omnimodis pertinentiis suis ecclesiam de Lanarke cum terris et decimis et omnibus rebus ad illam juste pertinentibus et ecclesiam de Pedynane cum omnibus suis pertinentiis et in eadem villa illam carucatam terre quam Nicholaus clericus meus de me habuit et tenuit ita quiete et libere ab omni seculari exactione et consuetudine eisdem fratribus perpetuo possidendas sicut aliqua alia ecclesia vel ecclesie terre mee elemosinas suas melius et quietius tenent et possident ita tamen quod in ecclesiis illis officium divinum honeste fiat Dedi eis insuper landam illam que vocatur Caddysleya cum pastura infra forestam meam pro salute anime Henrici filii mei in liberam et perpetuam elemosinam et unum manerium in burgo meo de Caraile eis dedi cum tribus rudis terre ad illam pertinentibus Dedi dictis fratribus et eis confirmavi illam terram et omnia ad eam pertinentia quam Beatrix de Bello Campo de Rogero janitore emit et eis in liberam et perpetuam elemosinam dedit et illud etiam toftum extra portam occidentalem de Rogesburghe quod Johannis capellani fuit ita liberum et quietum eis concede sicut carta Henrici comitis filii mei eis donat et confirmat Concede etiam et confirmo eis illam terram que est inter murum ejusdem porte quam Ada capellanus meus eis concessit et in liberam et perpetuam elemosinam dedit cum eadem libertate quam eidem Ade concesseram scilicet ut nullus super plenarium foris factum meum de illa terra censum aut aliquam omnino consuetudinem que in burgo advenerit presumat exigere Preterea prefatis fratribus concede ut liceat eis in nemoribus meis accipere ea que necessaria habuerint in usibus suis et edificiis ita ut nullus eos injuste disturbet et ut sint liberi et quieti in omni regno meo de teloneo et omnibus secularibus exactionibus et consuetudinibus sicut aliqui viri religiosi in tota terra mea liberiores inveniuntur videlicet quantum ad se et propria catalla sua Volo itaque et precipio ut predicta domus prenominatas elemosinas donationes et libertates ita libere quiete et honorifice teneat et possideat sicut aliqua ecclesia in omni regno meo liberius et quietius tenet et possidet Testibus Henrico comite filio meo Ada comitissa sua Waltero cancellario Duncano comite Hugone de Morvilla Waltero de Lindesei Roberto Avenell Waltero Ridel Herberto camerario Nicholao clerico Aluino filio Arkill Ewen marischallo Gillecolme Mackthumpethin Macbeth Macktorphin Meuin filio Colbani Ego Robertus Sancte Andree episcopus confirmo Ego Gregorius Dunkeldensis episcopus confirmo Ego Andreas Katenensis episcopus confirmo