Charter Document - 05130206
| Charter Number: | 05130206 |
|---|---|
| Cartulary Title: | Early Scottish Charters Prior to A.D. 1153 |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 1152 - 1159 |
| Date type: | Assigned |
| Resource Link(s): |
People of Medieval Scotland |
Charter:
Rodbertus Dei gratia humilis minister ecclesie Sancti Andree Omnibus sancte matris ecclesie filiis salutem et episcopalem benedictionem Sciant omnes tam presentes quam futuri me dedisse et presentis carte munimine confirmasse ecclesie Sancte Crucis de Edenesburch et canonicis ibidem Deo servientibus ecclesiam de Karreden cum duobus carrucatis terre et cum omnibus ad eam juste pertinentibus scilicet in decimis in pratis in pascuis in molendinis et in omnibus aliis rectitudinibus suis ita libere et ex omni exactione quietam sicut aliquam in tota diocesi nostra ecclesiam liberius et quietius possident His testibus Gaufrido abbate de Dunfermelin Alwredo abbate de Striuelin Rodberto priore de Sancto Andrea Samsone et Alano monachis Dunelmi T archidiacono Aiulfo decano Gaufrido de Laswade Magistro Andrea Adam et Ricardo capellanis episcopi Gaufrido clerico Petro de Striuelin et plenaria synodo