Charter Document - 05130194

David Dei gratia illustris Rex Scottorum Omnibus sancte matris ecclesie filiis et fidelibus salutem Notum sit omnibus presentibus et futuris me fundasse dum fui comes quoddam monasterium in Selechirche ad abbatiam in honore Sancte Marie Virginis et Sancti Johannis Evangeliste pro salute anime mee et omnium antecessorum et successorum meorum Sed postquam divina clementia post obitum fratris mei regis Alexandri successi in regnum consilio et ammonicione venerabilis memorie Johannis episcopi Glasguensis aliorumque procerum meorum predictum monasterium quia locus non erat conveniens abbatie apud Roxburgum transtuli in ecclesia Beate Virginis que sita est super ripam fluminis Twede in loco qui dicitur Calkou quam ecclesiam Robertus Sancti Andree episcopus in cujus erat episcopatu pro Dei amore et meo concessit mihi et ejusdem loci ecclesie abbati et monachis solutam et quietam ab omni subjectione et exactione liberam ita scilicet ut abbas et monachi supradicte ecclesie a quocumque episcopo voluerint in Scocia vel in Cumbria chrisma suum et oleum et ordinationem ipsius abbatis et monachorum et cetera ecclesie sacramenta accipiant Ego vero huic ecclesie in elemosinam perpetuam donavi villam de Kelchu cum suis rectis divisis in terris et in aquis solutam et quietam et ab omni exactione liberam et quotienscunque in eadem ecclesia in solemnitatibus vel in aliis diebus servitium Dei audiero omnes offerendas meas et omnium qui mecum erunt perpetue dedi in elemosinam Et in Edinham de molendino XIJ celdr de brasio quolibet anno et de mora de Edynham ad fodiendum cespites ad faciendam ignem a quodam fossato quod descendit de quadam alia mora transcendo recto tramite illam moram usque ad tres magnos lapides ex altera parte existentes Et in burgo de Roxburge XL solidos de censu uno quoque anno et omnes ecclesias et scolas ejusdem burgi cum omnibus earum pertinentiis et unum toftum juxta ecclesiam Sancti Jacobi et alterum in novo burgo et terram que fu it Gauterii Cymentarii et in molendinis XX celdr inter farinam et frumentum et septimam partem piscatura et in Sprouistona unam carucatam terre et X acras et maisuras carucata pertinentes et tres acras de prato et ecclesiam ejusdem ville et terram ecclesie pertinentem Domino Johanne episcopo Glasguensis simul dante et episcopali auctoritate confirmante Et villam Rauedene sicut unquam in meo dominio eam melius habui in terris et in aquis in pasturis de Sproustone et moram ad fodiendum turvas communes hominibus de Reuedene sicut hominibus de Sprouistone et in Berewyce unam carucatam terre et unam maisuram carucata pertinentem juxta ecclesiam Sancti Laurencii et alteram maisuram in burgo et XL solidos de censu ejusdem burgi uno quoque anno et dimidiam partem unius piscatura que vocatur Berewyckstreem et septimam partem molendinorum Et villam de Middelham et Bouldene sicut unquam melius habui in terris et in bosco in aquis et in plano et XXX acras terre de territorio Lyllesclefe inter Alnam et rivulum qui dividit terram de Myddilham et de Lyllescleue et decimam molendini ejusdem ville scilicet Lyllescleue et Wythelawe cum suis rectis divisis sicut eam melius habui in meo dominio Et terram de Selkyrke sicut rivulus descendens a montibus currit in Gierwa usque ad rivulum ilium qui descendens de Crossanesmer currit in Twede et ultra eundem rivulum qui cadit in Gieruuam quandam particulam terre inter viam que venit de castello et super veterem abbatiam cadit in eodem rivulo et Gierwam et veterem villam sicut unquam melius habui in terris et in bosco in aquis et in plano Et aquas meas circa Selekirke communes ad piscandum suis propriis piscatoribus ut meis et pasturas meas communes suis hominibus ut meis et boscos meos domibus suis faciendis et ad ardendum ut mihi et Treuenlene cum suis rectis divisis sicut Vineth eam melius et plenius tenuit et habuit et craggam ejusdem ville sicut dominus Alfwynus Sancte Crucis et Arnoldus abbas de Kalchou se adinvicem concordaverunt de quadam calumpnia que fuit inter eos de ipsa Cragga coram hiis testibus R abbe de Neubotil et aliis Hanc autem Treuenlene dedi predicta ecclesia de Kelchou in escambium X libratarum terre quam habuerunt in Hardingesthorne juxta Northamtone quam mihi accomodaverunt ad meum magnum negotium Et in Renfriu unum toftum et unam navim et piscaturam unius retis solutam et quietam et ab omni exactione liberam Et decimam animalium et porcorum et caseorum de can de quatuor cadrez de illa Galweia quam vivente rege Alexandro habui per unum quemque annum et decimam caseorum de Tweddal similiter per unum quemque annum et medietatem coquine mee de omnibus occisionibus meis omniumque successorum meorum ita ut ubicumque unum corium habuero habeant monachi et alium et similiter de unctis et sepiis sicut de coreis et omnes pelles arietum et agnorum et decimam coriorum cervorum et cervarum quas vestarii mei capient Hos autem redditus coquine mee et occisionem mearum dedi eis per illam terram tantum quam vivente rege Alexandro habui Et in Karsah unam salinum Et hec omnia supra dicti monasterii abbati et monachis ita libere et pacifice jure perpetuo possidendo confirmavi ut mihi succedentium nullus nihil omnino solas orationes ad anime salutem de supradicta ecclesia exigere presumat Hiis testibus Henrico filio regis et aliis Et preterea ecclesiam de Selkirke liberam et quietam sicut elemosina debit dari et concedi ita scilicet quod predicti abbates sint capellani mei et filii mei et successorum meorum de predicta ecclesia