Charter Document - 05130189
| Charter Number: | 05130189 |
|---|---|
| Cartulary Title: | Early Scottish Charters Prior to A.D. 1153 |
| Charter Language: | Latin |
| Charter Origin: | Royal |
| Charter Type(s): | Grant, Confirmation |
| Date: | 1147 - 1151 |
| Date type: | Assigned |
| Resource Link(s): |
People of Medieval Scotland |
Charter:
Ego David Dei gratia Rex Scottorum divino instinctu pro salute anime mee et Henrici filii mei et antecessorum et successorum meorum domum religiosis in villa de Jedwordie fundavi in qua canonicos regulares consilio et assensu venerabilis memorie Joannis Episcopi ceterorumque episcoporum comitum et baronum meorum atque religiosorum virorum regni mei constitui Quorum aliis necessariis in perpetuam elemosinam dono et hujus carte mee attestatione confirmo monasterium de Jedword cum omnibus ad illud pertinentibus videlicet decimas villarum totius parochie scilicet duarum Jedwordis et Langtoun Nesbet Craling Gospatrici vicecomitis ipsius Gospatrici capellano ejusdem Cralingis predicto monasterio concedente et testibus legitimis confirmante et in eadem villa unam carrucatam terre et dimidiam et tres acras cum duabus mansuris necnon et decimas alterius Craling ville Orme filii Gilasp Et de Stramsburgh capellam [que] fundata est super aquam Jedde in saltu nemoris contra Schorwinglen Et decimam totius venationis mee in Theiudall Omnes quoque redditus ad supradictum monasterium juste pertinentes preterea villas subscriptas viz Ulmerstoun Almechine juxta Alvecromber et Cromseth et Raperlau cum rectis divisis suis ad easdem villas pertinentibus unam etiam mansuram in burgo meo Rothb et unam mansuram in Berwick et ibidem unam aquam liberas solutas et quietas et Cadwardisly sicut ego eam perambulavi et divisas monstravi Et animalium pascua prope nemora mea et ligna silvarum vel materiem ad sua necessaria ubi ego preter ilium locum qui vocatur Ouikege et multuram molendini de omnibus hominibus Jedword ubi castellum est et unam salinam juxta Striviling Volo itaque ac firmiter precipio ut omnia quecumque modo possident vel deinceps juste possessuri sunt ita libere et pure omni remota exactione supradicti canonici mei pace perpetua cum omnibus monasterii sui libertatibus et liberis consuetudinibus confirmatione et autoritate mea possideant sicut unquam aliqui canonici possessiones et libertates liberasque consuetudines sui monasterii seu quelibet ecclesiastica jura liberius quietius atque honestius possident Hujus autem donationis et confirmationis mee testes et assentatores sunt hii viz Henricus filiis meus Herbertus Glasguensis episcopus Robertus episcopus de Sancto Andrea Gillebertus episcopus Dunkeldensis Andreas episcopus Catanensis Arnold abbas Calc Gaufridus abbas de Dumfermlin Albyn abbas de Sancta Cruce Comes Duneth Hugo de Morvilla [constabularius] Radulph filiis Dugall et multi alii