Charter Document - 05130185
| Charter Number: | 05130185 |
|---|---|
| Cartulary Title: | Early Scottish Charters Prior to A.D. 1153 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1150 - 1151 |
| Date type: | Assigned |
| Resource Link(s): |
People of Medieval Scotland |
Charter:
R[obertus] Dei gratia Episcopus Sancti Andree Omnibus filiis sancte ecclesie salutem Notum sit tam posteris quam presentibus me concessisse et auctoritate episcopali confirmasse ecclesie Sancti Laurentii de Berewic in jus parochie incrementum illud quod abbas et conventus ecclesie Sancte Marie de Kelcho predicte sue ecclesie in perpetuam elemosinam dederunt et concesserunt scilicet decimas et rectitudines ceteras sancte ecclesie pertinentes carrucate terre quam habent in Berewic et piscationum quas habent in eadem villa et unius tofti quam habent in burgo Volo itaque ut predicta ecclesia decimas et rectitudines prefatas habeat et teneat jure parochiali sicut aliqua elemosina liberius et quietius ab aliqua possidetur ecclesia Presentibus testibus Willelmo abbate de Struelyn Osberto abbate de Edinburg Osberto priori de Jedd Toraldo archidiacono Aiolfo decano Nichol clerico apud Edeneburge