Charter Document - 05130181

Eugenius Episcopus servus servorum Dei Dilectis filiis Roberto priori ecclesie beati Andree apostoli in Scotia ejusque fratribus tam presentibus quam futuris regularem vitam professis in perpetuum Ad hoc universalis ecclesie cura nobis a provisore omnium bonorum Deo commissa est ut religiosas diligamus personas et bene placentem Deo religionem studeamus modis omnibus propagare Nec enim Deo gratus aliquando famulatus impenditur nisi ex caritatis radice procedens a puritate religionis fuerit conservatus Ea propter dilecti in Domino filii vestris justis postulationibus clementer annuimus et prefatam ecclesiam in qua divino mancipati estis obsequio sub beati Petri et nostra protectione suscipimus et presentis scripti privilegio communimus Statuentes ut ordo canonicus secundum beati Augustini regulam qui per Dei gratiam consilio et auxilio venerabilis fratris nostri Roberti episcopi nostri et tuo dilecte in Domino fili Roberte prior labore et studio in eadem ecclesia noscitur institutus perpetuis ibidem temporibus inviolabiliter conservetur Preterea quascumque possessiones quecumque bona eadem ecclesia in presentiarum juste et canonice possidet aut in futurum concessione pontificum largitione regum vel principum oblatione fidelium seu aliis justis modis Deo propitio poterit adipisci firma vobis vestrisque successoribus et illibata permaneant Libertates seu immunitates ab episcopis sive regibus rationabili devotione ecclesie vestre concessas auctoritate vobis apostolica confirmamus Obeunte vero fratre nostro Roberto episcopo vestro nullus in ecclesia Sancti Andree que sedes episcopalis est aliqua surreptionis astutia seu violentia preponatur sed quem vos communi consensu vel fratrum ecclesie vestre pars consilii sanioris secundum Dominum canonice provideritis eligendum Statuimus etiam ut decedentibus Keledeis loco eorum regulares canonici auctore Domino subrogentur Decrevimus ergo ut nulli omnino hominum liceat prefatam ecclesiam temere pertiybare aut ejus possessiones auferre vel ablatas retinere minuere aut quibuslibet vexationibus fatigare sed omnia integra conserventur eorum pro quorum gubernatione et sustentatione concessa sunt usibus omnimodis pro futura salva sedis Apostolice auctoritate et Episcopi Sancti Andree canonica reverentia Si qua ergo in futurum ecclesiastica secularisve persona hanc nostre constitution is paginam sciens contra eam temere venire temptaverit secundo tertiove commonita si non satisfactione congrua emendaverit potestatis honorisque sui dignitate careat reamque se divino judicio existere de perpetrata iniquitate cognoscat et a sacratissimo corpore et sanguine Domini Redemptoris nostri Jesu Christi aliena fiat atque in extremo examine districte ultioni subjaceat Cunctis autem eidem loco juste servantibus sit pax Domini nostri Jesu Christi quatenus et hic fructum bone actionis percipiant et apud districtum judicem premia eterne pacis inveniant Amen Amen Amen Fac mecum Domine signum in bonum Sanctus Petrus Sanctus Paulus Eugenius Papa III Ego Eugenius catholice ecclesie episcopus S S Ego Albericus Ostiensis episcopus S S Ego Imarus Tusculanus episcopus S S Ego Huhaldus presbiter cardinalis titulo Sanctorum Johannis et Pauli S S Ego Gillebertus indignus sacerdos titulo S Marci S S Ego Hugo presbiter cardinalis titulo in Lucina S S Ego Odo diaconus cardinalis S Georgii ad Velum Aureum S S Ego Johannes Paparo diaconus cardinalis Sancti Adriani S S Ego Gregorius Sancti Auguli diaconus cardinalis S S Ego Johannes diaconus cardinalis S Marie Nove S S Ego Guido diaconus cardinalis S Marie in porticu S S Dat Altisiodori per manum Guidonis sancte Romane ecclesie diaconi cardinalis et cancellarii IIJ Kal Sept Indict x Incarnationis Dominice anno MCXLVII Pontificatus vero domini Eugenii III pp anno IIJ