Charter Document - 05130179

In nomine Patris et Filii et Spiritus Sancti Amen Ego David Dei gratia Rex Scottorum assensu Henrici filii mei et episcoporum regni mei comitumque et baronum confirmatione et testimonio concedo ecclesie Sancte Marie de Striueling et canonicis in ea regulariter viventibus ea que subscripta sunt et pace perpetua confirmo Hec itaque sunt que prefate ecclesie concedo terram de Cambuskynneth et piscaturam inter eandem terram et Pollemase et unum rethe in aqua terram quoque de Colling cum nemore et suis rectis divisis terram etiam de Dunbodeuin que est inter aquam ejusdem terre et terram de Lochin quadraginta quoque solidos de redditu meo de Striueling et canum unius navis et unam salinam et totidem terre quot habet una de salinis meis et decimam firme de dominiis meis de Striueling et oblationes que in predicta ecclesia oblate fuerint et insulam que est inter Pollemase et Dunbodeuin et viginti cudermis de caseis redditus mei de Striueling eandem quoque libertatem et consuetudinem quam ceteris ecclesiis terre mee concessi et confirmavi eidem ecclesie concede et confirmo Volo itaque ut quecunque predicta ecclesia in presenti possidet vel in future possessura est ita quiete et libere sicut ego prefatas terras possideo possideant salva defensione regni et justitia regali si prelatus aliquo impulsu a justitia exorbitaverit Hujus confirmationis testes sunt Comes Henricus filiis regis Robertus episcopus Sancti Andree Gregorius episcopus Dunkeldensis Herbertus electus de Glasgu G abbas Dunfermelinensis abbas Sancte Crucis Robertus prior Sancti Andree Osbertus prior Jeddewrt Edwardus cancellarius Comes Dunecanus Leod de Brechin Hugo de Moruille Herbertus camerarius Willelmus de Sumervill Ranulfus de Sules Willelmus de Lindesai Walterus de Ridale