Charter Document - 05130172
| Charter Number: | 05130172 |
|---|---|
| Cartulary Title: | Early Scottish Charters Prior to A.D. 1153 |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 1144 - 1145 |
| Date type: | Assigned |
| Resource Link(s): |
People of Medieval Scotland |
Charter:
David Dei gratia Rex Scottorum Universis sancte Dei ecclesie filiis et fidelibus suis salutem Sciatis me intuitu Dei et pro salute anime mee et omnium antecessorum et successorum meorum consilio et ammonitione Johannis Glasguensis episcopi dedisse et hac carta mea confirmasse abbathie de Kelchou quam fundavi et abbati et monachis ibidem Deo servientibus in liberam et perpetuam elemosinam ecclesiam de Lesmahagu et totam Lesmahagu per suas rectas divisas et cum omnimodis pertinentiis suis in bosco et plano in moris et mariscis in pascuis et aquis in molendinis et in ceteris edificiis et mansionibus construendis in terra sua prout eis libuerit Ita quod nullique omnino hominum liceat terras possessiones monachorum aliquo modo occupare nisi per ipsos Et volo ut easdem terras et possessiones ita quiete et libere perpetualiter obtineant sicut ego ipse eas unquam liberius et quietius obtinui et possedi solas orationes ad salutem animarum exsolvendo Dictam vero ecclesiam prenominatus Johannes episcopus ex assensu totius cleri sui ad petitionem meam ab omni exactione et subjectione episcopali jure perpetuo predictis abbati et monachis quietam clamavit et liberam sicut carta ipsius testatur et confirmat Ita quod abbas et monachi Kelchoenses de ecclesia de Lesmahagu sicut de cella sua ordinabunt priorem et monachos ordinis et habitus Kalchoensis in ipsa successive instituendo prout locus potuit honeste sustentare una cum receptione pauperum per eos transeuntium Quicunque autem propter vite vel membri periculum evadendi ad dictam cellam confugerint vel intra quatuor cruces circumstantes pervenerint ob reverentiam Dei et Sancti Machuti firmam pacem meam concede Hec mea carta confirmata est anno ab incarnatione Domini MCXLIIIJ regni mei anno XX primo coram his testibus [Johanne Episcopo Glasguense Henrico filio meo Willelmo nepote meo Edwardo cancellario Ascelino archidiacono Ricardo et Johanne capellanis Malcolmo filio comitis et Willelmo fratre ejus Jordano Hayrun Hugone de Moruilla Odenello de Vmfrauilla Roberto de Bruys Willelmo de Sumervill David Olifard Willelmo de Lindesai Apud Castrum puellarum]