Charter Document - 05130165
| Charter Number: | 05130165 |
|---|---|
| Cartulary Title: | Early Scottish Charters Prior to A.D. 1153 |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1144 |
| Date type: | Internal, A.D., Calendar, Papal |
| Resource Link(s): |
People of Medieval Scotland |
Charter:
Lucius Episcopus servus servorum Dei dilectis filiis Roberto priori ecclesie Sancti Andree apostoli de Scotia ejusque fratribus tam presentibus quam futuris regularem vitam professis in perpetuum Apostolici moderaminis clementie convenit religiosos diligere et eorum loca pia protectione munire Dignum namque et honestati conveniens esse cognoscitur ut qui ad ecclesiarum regimen assumpti sumus eas et a pravorum hominum nequitia tueamur et apostolice sedis patrocinio foveamus Ea propter dilecti in Domino filii vestris rationabilibus postulationibus venerabilis fratris nostri Bernardi episcopi Sancti David precibus inclinati clementer annuimus et prefatam ecclesiam in qua divino mancipati estis obsequio sub beati Petri et nostra protectione suscipimus et presentis scripti patrocinio communimus In primis siquidem statuentes ut ordo canonicus secundum beati Augustini regulam qui per te dilecte in Domino fili Roberte prior ejusdem loci episcopi consilio et auxilio in eadem ecclesia constitutus est perpetuis temporibus inviolabiliter conservetur preterea quascunque possessiones quecunque bona ex dono aut concessione ejusdem loci episcopi vel aliorum Dei fidelium in presentiarum juste et canonice possidetis aut in futurum concessione pontificum largitione regum vel principum oblatione fidelium seu aliis justis modis Deo propitio poteritis adipisci firma vobis vestrisque successoribus et illibata permaneant Decrevimus vero ut nulli omnino hominum liceat prefatam ecclesiam temere perturbare aut ejus possessiones seu bona vestra auferre vel ablatas retinere minuere aut aliquibus vexationibus fatigare sed omnia integre conserventur eorum pro quorum gubernatione et sustentatione concessa sunt usibus omnimodis profutura Salva episcopi nostri canonica justitia ac reverentia et apostolice sedis auctoritate Si qua igitur in futurum ecclesiastica secularisve persona hanc nostre constitutionis paginam sciens contra eam temere venire temptaverit secundo tertiove commonita si non satisfactione congrua emendaverit potestatis honorisque sui dignitate careat reamque se divino judicio existere de perpetrata iniquitate cognoscat et a sacratissimo corpore ac sanguine Dei et Domini Redemptoris nostri Jesu Christi aliena fiat atque in extreme examine districte ultioni subjaceat Cunctis autem eidem loco juste servantibus sit pax Domini nostri Jesu Christi quatenus et hic fructum bone actionis percipiant et apud districtum judicem premia eterne pacis inveniant Amen Amen Amen Ostende nobis Domine misericordiam tuam Sanctus Petrus Sanctus Paulus Lucius Papa II Ego Lucius catholice ecclesie episcopus S S Ego Conradus Sabinensis episcopus S S Ego Theoduuninus Sancte Rufine epis S S Ego Albericus Ostiensis epis S S Ego lamarus Tusculanus epis S S Ego Petrus Albanensis epis S S Ego Gilbertus indignus sacerdos titulo S Marci S S Ego Rem Presbyter Cardinalis titulo S Stephani in Celio Monte S S Ego Guido Diaconus Cardinalis Sanctorum Cosme et Damiani S S Ego Gerardus Diaconus Cardinalis Sancte Marie in Dominica S S Dat Lat per manum Baronis capellani et scriptoris ij idus Maii Indict VIJ incarnationis dominice anno MCXLIIIJ pontificatus vero domini Lucii II Pape anno primo