Charter Document - 05130163

David Dei gratia Rex Scottorum Episcopis abbatibus comitibus baronibus ministris et omnibus fidelibus suis salutem Ad hoc nos divina providentia in populo suo principes esse voluit ut debeamus et velimus ipsi tanquam Domino et Creatori omnium subesse et subditis nostris magis prodesse quam preesse mala penitus exstirpare bonum non solum ipsi facere verum etiam benefacientes adjuvare Proinde dilecti patris nostri in Christo venerabilis Roberti episcopi Sancti Andree studium et opus attendentes in beati Andree apostoli ecclesie ampliare et canonicorum constitutione simul et elemosinarum largitione tam ego quam Henricus filiis et Deo donante heres meus et Rex designatus tam utili et necessario incepto congaudentes et de bonis initiis meliores expectantes exitus quecunque prefatus Dominus Robertus episcopus eidem ecclesie et canonicis ibidem Deo servientibus et servituris dedit et per cartam confirmavit nos illis concedimus et confirmamus perpetuo possidendam ita libere et quiete plenaria et honorifice sicut liberius et quietius planarios et honorificentius possidetur aliqua elemosina in regno meo Nomina autem eorum que ab ipso illis donata sunt subscribi dignum duximus Balrimund Struuichin Kinnis Gastduvenold Drumkarach Ledochin Stratkines Balucca Rodmanan Petultin Kinnastare Balgoua Kinnamone Drumsac Balemacdunegin Eglesnamin Ballochen Sconin cum omnibus pertinentibus et adjacentibus et appendiciis suis molendinum etiam de Kilrimund molendinum de Niden molendinum de Pudechin De septem vero portionibus que sunt altaris Sancti Andree apostoli ipsis canonicis duas portiones confirmamus et hospitali ejusdem ville unam portionem Ipsum etiam hospitale ab episcopo eis datum et concessum in susceptione hospitum et peregrinorum cum terris et possessionibus et reditibus eidem pertinentibus eisdem canonicis concedimus et confirmamus et ipsi hospitali medietatem de channe episcopi de parochia Sancte Trinitatis et totam decimam de channe episcopi de Bladebolg et de aliis provinciis undecumque fuerit allatum vel adductum ad Sanctum Andream et omnes libros predicti episcopi Ex dono autem meo ecclesiam de Linlidcu cum capellis et terris infra burgum et extra et cum omnibus rectitudinibus eidem ecclesie pertinentibus et unam marcam de firma mea de Perth singulis annis ad Pascha ad luminare ecclesie Sancti Andree apostoli et unam aquam in Berwic et tractum unius retis in aqua de Perte cum meis propriis retibus Predictis etiam canonicis curiam suam cum libertatibus placitorum et querelarum concedimus sicut liberius et plenarius alicui ecclesie vel elemosine in regno meo concessimus ecclesiam quoque de Foregrund cum omnibus eidem ecclesie pertinentibus Precipimus etiam ut nullus nanum capiat in terris suis pro alterius foris facto vel pro debitis aliorum Concedimus etiam ut canonici sine omni disturbatione habeant materiem in bosco meo de Clackmanan ad edificia sua Preter hec damus et concedimus ipsis canonicis xl solidos de meo channe de navibus de Perth singulis annis ad vestitum eorum Has vero donationes et concessiones domini Roberti episcopi et nostras ego David Dei gratia Rex regia auctoritate confirmo et sigilli mei impressione consigno ego Henricus comes filiis David Regis et Deo prestante Rex designatus ea que subscripta sunt concede et sigillo meo consigno Ista vero et quecunque predicte ecclesie Beati Andree apostoli et canonicis ibidem Deo servientibus et servituris in posterum collata fuerint libera esse et quieta ab omni exactione decernimus Testibus Willelmo nepote regis Comite Dunecano Cospatrico filio Walleui Roberto camerario Willelmo de Sumerville Edwardo constabulario Apud Kynros