Charter Document - 05130162
| Charter Number: | 05130162 |
|---|---|
| Cartulary Title: | Early Scottish Charters Prior to A.D. 1153 |
| Charter Language: | Latin |
| Charter Origin: | Religious |
| Charter Type(s): | Bequest |
| Date: | 1140 |
| Date type: | Internal, A.D. |
| Resource Link(s): |
People of Medieval Scotland |
Charter:
Robertus Dei gratia Scottorum episcopus Omnibus catholice ecclesie filiis tam presentibus quam futuris salutem perpetuam ecclesiam beati Andree apostoli cui auctore Deo deservio quum usque ad tempus nostrum permodica fuerat Deo inspirante ampliare studuimus sed quam non sufficit ad laudem nominis Domini lapidum congeriem congregare nisi et procuremus vivos in Dei edificium lapides adunare canonicos ibidem ad Deo deserviendum sub regulari canonicali beati patris Augustini constituimus quibus et filium nostrum fratrem Robertum in partem laboris nostri assumentes jure pariter et nomine prioris prefecimus et ad victum et vestitum eorum ceteraque necessaria de possessionibus et reditibus nostris consilio simul et concessione piissimi regis nostri David necnon et filii ejus Henrici comitis et regis designati Nihilominus et episcoporum abbatum comitum atque optimatum et fidelium suorum consilio portionem quandam in perpetuum possidendam liberam et inconcussam indulsimus que autem donavimus et concessimus subscribenda dignum duximus Sunt autem hec Barrimund Struuithin Kinnines Castdouenald Drumckarach Ledochin Stradkines Balhucea Rodmanand Pettultin Kinastare Chinemonie Drumsac Balemacdunechin Eglisnamin Ballothen Sconin molendinum de Kilremund molendinum de Puthachin Hec omnia cum omnibus pertinentibus et adjacentibus et appendiciis suis Et de firma regis de Perth i marcam argenti singulis annis ad Pascha ad luminare ecclesie et unam aquam in Bereuiuich de dono regis De vii vero portionibus que sunt altaris Sancti Andree ipsis canonicis ij portiones dedimus et concessimus que pertinent duobus personabis que ipsi habent et hospitali ejusdem ville i portionem Quod nimirum hospitale cum terris et possessionibus et reditibus eidem pertinentibus eisdem concessimus in susceptionem hospitum et peregrinorum et ad ipsum hospitale medietatem decime carrucarum nostrarum et vaccarum et berchiariarum et porchariarum et equariarum de parochia Sancte Trinitatis et medietatem de nostro channe ejus parochie et totam decimam de nostro channe de Biadebolg et de aliis provinciis et locis undecumque fuerit allatum vel adductum ad Sanctum Andream Molendinum et de Nidin eis dedimus et omnes libros nostros Ista ergo et quecunque postmodum predicte ecclesie Beati Andree et canonicis ibidem Deo servientibus vel servituris collata fuerint libera esse et quieta ab omni exactione decrevimus Hanc igitur donationem et concessionem nostram quicunque ipsi ecclesie et canonicis immunem et inconcussam conservare adjuverit partem et societatem cum Beato Andrea et coapostolis ejus et cum fundatoribus et defensoribus sancte Dei ecclesie et cum omnibus sanctis se precepturum gaudeat Quicunque vero sive per fraudem sive per violentiam eam infestare vel diminuere temptaverit nisi condigne satisfecerit ante tribunal districti judicis cum raptoribus et destructoribus ecclesiarum se reum et dampnabilem fore doleat Hanc ego Robertus episcopus donationis nostre paginam episcopali auctoritate confirmo et ob memoriam et reverentiam dominice crucis impressione consigno et sigilli nostri testimonio confirmatione consigno Anno Dominice incarnationis [MCXL] Ego Thoraldus Archidiaconus subscribe et crucis signo confirmo