Charter Document - 05130142
| Charter Number: | 05130142 |
|---|---|
| Cartulary Title: | Early Scottish Charters Prior to A.D. 1153 |
| Charter Language: | Latin |
| Charter Origin: | Royal |
| Charter Type(s): | Confirmation |
| Date: | 1143 - 1147 |
| Date type: | Assigned |
| Resource Link(s): |
People of Medieval Scotland |
Charter:
Henricus filiis David Regis Scottorum Omnibus episcopis abbatibus comitibus proceribus et omnibus probis hominibus Francis et Anglicis totius regni Scotie salutem Sciatis me pro anima mea et pro animabus patris et matris mee et avunculi mei Edgari et uxoris mee Ade et filiorum meorum et omnium antecessorum meorum et successorum meorum dedisse et hac mea carta confirmasse Deo et ecclesie Sancte Marie de Melros et monachis ibidem Deo servientibus de Rieualle et suis successoribus in puram et perpetuam elemosinam totam donationem regis David patris mei scilicet totam terram de Melros et totam terram de Eldun et totam terram de Dernewic per terminos et omnes rectas divisas suas in bosco in pratis in aquis in pasturis et moris in viis et semitis et in omnibus aliis rebus liberas quietas et solutas ab omni terreno servitio et exactione seculari Insuper sciatis me dictis et suis successoribus et hac mea carta confirmasse in terra mea et in forestis meis scilicet de Seleschirche et de Treuequor omnia aisiamenta sua pasturam scilicet ad averia sua et ligna et materiem et pasnagium ubique ad suos proprios usus sicut ego ipse melius habeo ad opus meum et nominatim inter Galue et Ledir Preterea in aquis de Thweda infra terminos eorum piscaturam tam ex mea parte quam ex eorum parte ubique Preterea vero omnia supradicta dedi et confirmavi eis ad incrementum Galtuneschalech et terram et boscum de Galtunesside sicut pater meus rex David et ego et Ricardus Abbas ejusdem ecclesie perivimus et circuivimus die Veneris crastino ascensionis Domini anno scilicet secundo quo Stephanus Rex Anglie captus est His testibus ad presens donum Johanne episcopo Willelmo nepote regis Hugone de Moreuille Waltero filio Alani Hugone Britone Gervasio Ridel Volo itaque ut ipsi omnes has predictas terras et res suas ita libere et quiete et honorifice teneant et possideant sicut aliqua elemosina liberius et quietius et honorificentius teneri potest et possideri tenore perpetuo Testibus Johanne episcopo []