Charter Document - 05130141
| Charter Number: | 05130141 |
|---|---|
| Cartulary Title: | Early Scottish Charters Prior to A.D. 1153 |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 1143 - 1147 |
| Date type: | Assigned |
| Resource Link(s): |
People of Medieval Scotland |
Charter:
David Dei gratia Rex Scottorum Episcopis abbatibus comitibus baronibus et probis hominibus suis et omnibus fidelibus suis totius regni sui Francis et Anglicis et Scottis et Galwensibus salutem Sciatis me pro anima mea et animabus patris et matris mee et fratris Edgari et aliorum fratrum et sororum mearum et uxoris mee Matildis et etiam pro anima Henrici filii mei et heredis et antecessorum et successorum meorum concessisse et dedisse Deo et Sancte Marie de Melros et monachis ibidem Deo servientibus de Rieuall annuente et concedente Henrico filio meo et herede et per cartam suam confirmante in perpetuam elemosinam Totam scilicet terram de Melros et totam terram de Eldune et totam terram de Dernewic per terminos et rectas divisas suas in bosco et plano et pratis et aquis in pasturis et moris in viis et semitis et in omnibus aliis rebus liberas et quietas et solutas ab omni terreno servitio et exactione seculari perpetuo tenore possidere insuper autem sciatis me dedisse predictis monachis et hac mea carta confirmasse in terra mea et in forestis meis scilicet de Seleschirche et de Trauequair omnia aisiamenta sua pasturam scilicet ad averia sua et ligna et materiem et pasnagium ubique ad suos proprios usus sicut ego ipse melius habeo ad opus meum et nominatim inter Galche et Leder Preterea in aquis de Thveda infra terminos eorum piscaturam tam ex mea parte fluminis quam ex eorum parte ubique Preter vero omnia supradicta dedi et confirmavi eis ad incrementum Galtuneschalech et totam terram et boscum de Galtunesside sicut ego ipse et Henricus filiis meus et Abbas Ricardus ejusdem ecclesie perivimus et circuivimus die Veneris crastino ascensionis Domini anno scilicet secundo quo Stephanus Rex Anglie captus est Testibus ad hoc presens donum Johanne episcopo Willelmo nepote regis Hugone de Moreuille Willelmo de Sumerville Henrico filio Swain Geruasio Ridel Volo itaque ut ipsi omnes has predictas terras et res suas ita libere et quiete teneant et possideant sicut aliqua elemosina liberius et quietius perpetuo tenore teneri potest et possideri Testibus Henrico filio meo Johanne episcopo Willelmo nepote meo Willelmo cancellario Madd comite Roberto de Humframville Hugone de Moreuille Waltero filio Alani Hugone Briton Osberto de Ardene Geruasio Ridel Willelmo de Sumerville Ricardo Gernun Ricardo Anglico Willelmo de Lindesai Ascelino archidiacono Jordano clerico Estmundo elemosinario Preterea homines de eadem terra Gospatrico comite Ulfchillo filio Ethelstan Osolfo filio Huctredi Maccus filius Undwain Huctredo filio Sioth Huctredo filio Gospatric Orm filio Eilas Eilas filio Gospatric Edulfo filio Normanni Osolfo filio Ediue Osolfo filio Elfstan Roberto Brus meschin Radulfo filio Turstain Rogero nepote episcopi Apud Ercheldon in Junio