Charter Document - 05130137
| Charter Number: | 05130137 |
|---|---|
| Cartulary Title: | Early Scottish Charters Prior to A.D. 1153 |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 1139 - 1147 |
| Date type: | Assigned |
| Resource Link(s): |
People of Medieval Scotland |
Charter:
H[enricus] filius regis Scotie at comes Northumbrie Episcopis abbatibus comitibus justiciariis baronibus prepositis ministris et omnibus fidelibus suis clericis et laicis Francis et Anglicis et Scottis tam futuris quam presentibus totius regni patris sui et portuum maris et omnibus probis hominibus totius comitatus Northumbrie salutem Sciatis me concessisse et confirmasse Deo et ecclesie Sancte Trinitatis de Tyrone pro salute anime mee et antecessorum et successorum meorum donum patris mei scilicet unam navem singulis annis quietam de Can ubicumque venerit vel applicaverit in tota terra patris mei Volo itaque et firmiter precipio quod predicta navis et homines qui in ea fuerint juste habeant meam firmam pacem vendendi et emendi et mercata sua faciendi ubicumque venerint vel applicaverint in tota terra patris mei et omnes homines ejusdem navis cum mercatis suis sint quieti ubique per terram patris mei de Cano si voluerint piscari an non Hoc idem vero sciatis me dedisse et concessisse illis ubicumque predicta navis venerit vel applicaverit in tota terra mea de Northumbria et hoc petitione Johannis Glasguensis episcopi Testibus eodem Ada comitissa Hugone de Moreville Roberto de Umfranvilla et Gilleberto de Umfranvilla Gervasio Ridel Guillelmo de Sumervilla Normano vicecomite Hugone de Broi Gullielmo Masculo Engerano clerico Ricardo capellano Apud Jeddewrde