Charter Document - 05130119
| Charter Number: | 05130119 |
|---|---|
| Cartulary Title: | Early Scottish Charters Prior to A.D. 1153 |
| Charter Language: | Latin |
| Charter Origin: | Religious |
| Charter Type(s): | Protection |
| Date: | 1138 |
| Date type: | Internal, A.D., Feast |
| Resource Link(s): |
|
Charter:
David Rex Scottorum Episcopis abbatibus comitibus vicecomitibus baronibus et omnibus probis hominibus suis totius terre sue Francis et Anglis et Scotis et Galwensibus salutem Sciatis me concessisse et dedisse ecclesie Sancte Marie et Sancti Oswini martyris de Tynmutha et fratribus ejusdem loci et dominicis hominibus et rebus ad predictam ecclesiam pertinentibus et omnibus illis hominibus qui in pace Sancte Marie et sancti ejusdem loci in die Sancti Barnabe Apostoli in millesimo centesimo et trigesimo octavo anno ab incarnatione Domini fuerunt meam pacem in perpetuum de me et omnibus hominibus meis pro anima patris et matris mee et regis Alexandri fratris mei qui pacem Dei et suam firmiter predicte ecclesie concessit et pro anima Matilde regine Anglie sororis mee et animabus antecessorum et successorum meorum Henrico filio meo hanc pacem annuente Ideo volo et firmiter precipio ut hanc pacem firmiter possideant et vos eandem eis teneatis quamdiu ipsi nobis et hominibus nostris pacem tenere voluerint et prohibeo quod nullus eis aut hominibus vel rebus suis super nostram firmam defensionem injuriam vel contumeliam aut vim ullo modo facere presumat Et quicunque hanc pacem tenere noluerit sicut ego concedo confirmante de me et Henrico filio meo et nostra familiaritate et nostra amicitia sit omnino alienatus Presentibus testibus Gospatrico comite Hugone de Morevill et Mansero Marmiun et Roberto Foliot et Hugone de Auco et Hugone Briton Apud sedem de Norham in Junio