Charter Document - 05130094
| Charter Number: | 05130094 |
|---|---|
| Cartulary Title: | Early Scottish Charters Prior to A.D. 1153 |
| Charter Language: | Latin |
| Charter Origin: | Royal |
| Charter Type(s): | Confirmation |
| Date: | 1128 - 1136 |
| Date type: | Assigned |
| Resource Link(s): |
People of Medieval Scotland |
Charter:
David Dei gratia Rex Scottorum episcopis abbatibus comitibus vicecomitibus baronibus prepositis ministris et omnibus probis hominibus totius terre sue Francis Anglicis Scottis salutem Sciatis me dedisse et reddidisse Deo et ecclesie Sancte Trinitatis de Dunfermelyn et Abbati et monachis ibidem Deo servientibus totam scyram de Kircaladin quam Constantinus comes ab eis vi tenuit in perpetuam elemosinam cum omnibus libertatibus et dignitatibus cum quibus pater meus et mater mea eandem terram pro salute animarum suarum et predecessorum et successorum suorum ecclesie dederunt videlicet in ecclesia et molendino et in terris et aquis et pratis et pascuis in bosco et plano et in omnibus ad eam pertinentibus Quare prohibeo ne alicui de heredibus Constantini eam calumnianti inde respondeant sed quiete et pacifice predictam terram in perpetuum teneant Testibus Roberto Episcopo S Andree Johanne Episcopo Glascuensi Cormacco Episcopo de Dunkeld Madeth Comite Malis Comite Head Comite Hugone de Moreuille Herberto Cancellario Roberto Corbet Edwardo Constabulario Malotheni Vicecomite de Scona Alwino mac Archil Apud Striueline