Charter Document - 05130082
| Charter Number: | 05130082 |
|---|---|
| Cartulary Title: | Early Scottish Charters Prior to A.D. 1153 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1128 - 1131 |
| Date type: | Assigned |
| Resource Link(s): |
People of Medieval Scotland |
Charter:
Robertus Dei gratia Ecclesie Sancti Andree episcopus omnibus sancte matris ecclesie fidelibus salutem Sciant omnes sancte ecclesie filii presentes et futuri quod pro amore Dei et honore et petitione David illustris Scottorum Regis concessi solutam et quietam et omni subjectione et exactione liberam ecclesiam Sancte Marie de Calceho quam idem Rex David in abbaciam pro Dei amore edificavit ita scilicet ut Abbas et monachi ejusdem ecclesie a quocunque episcopo voluerint in Scotia vel in Cumbria crisma suum et oleum et ordinationem ipsius abbatis et monachorum et cetera sancte ecclesie sacramenta accipiant Testibus eodem Regi David et filio suo Henrico Matildi Regina Johanne Glasguensis episcopo Ascelino Archidiacono Adelulfo Sancti Oswaldi priore Nicholao Sconensi priore Willelmo Regis nepote Hugone de Moruilla Roberto de Unfranvilla et aliis