Charter Document - 05130080
| Charter Number: | 05130080 |
|---|---|
| Cartulary Title: | Early Scottish Charters Prior to A.D. 1153 |
| Charter Language: | Latin |
| Charter Origin: | Religious |
| Charter Type(s): | Record |
| Date: | 1128 |
| Date type: | Assigned |
| Resource Link(s): |
People of Medieval Scotland |
Charter:
Fornax et incendium totius iniquitatis scilicet Robertus Burgonensis miles gravaminibus et injuriis prefatos viros religiosos nequiter et calumpniose vexavit et fatigavit volens precise fervore sue rapacitatis et infrenate tyrannidis ab eis auferre quartam partem de Kyrkenes Consilio inito a fratribus juxta simplicitatem suam accesserunt ad presentiam regis David supplicantes ei ut justum judicium faceret inter eos et prefatum Robertum Tandem Rex misericordia motus misit nuncios suos per provinciam de Fyf et Fothrithi et convocavit hominum multitudinem in unum locum scilicet Constantinum comitem de Fyf virum discretum et facundum cum satrapys et satellitibus et exercitu de Fyf et Macbeath thaynetum de Falleland et primicerios et duces et lumnarcas exercitus Episcopi et Soen ducem cum familia sua Et tunc temporis fuerunt duces exercitus episcopi Budadh et Slogadadh Et hi omnes sunt testes hujus altercationis et dissentionis Tandem fuit compromissum in tres viros legales et idoneos scilicet Constantinum comitem de Fyf magnum judicem in Scotia et Dufgal filium Mocche qui fuit senex Justus et venerabilis et Meldoinneth filium Machedath judicem bonum et discretum Sed iste Dufgal primo pronunciavit sententiam pro monachis id est Keledeis et contra protervitatem et calumpniam Roberti Burgonensis quia alii judices detulerunt Dufgal propter sui senectutem et juris peritiam Et ita fuit decisum istud negotium sententionaliter et per juramentum Isti sunt clerici qui juraverunt super finibus ville de Kyrkenes Duftah sacerdos et abbas et Sarran filiis Sodelne et Eugenius monachus et Douinalde nepos Leod et Morrehat vir venerande senectutis et hiberniensis et Cathan senex Et sic victus fuit predictus Robertus coram omnibus