Charter Document - 05130073
| Charter Number: | 05130073 |
|---|---|
| Cartulary Title: | Early Scottish Charters Prior to A.D. 1153 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1127 |
| Date type: | Internal, A.D., Calendar, Feast |
| Resource Link(s): |
Durham Cathedral Archive - Misc.Ch.1298 Durham Cathedral Archive - Cartularium Vetus (f105v) People of Medieval Scotland |
Charter:
Omnibus sancte matris ecclesie fidelibus clericis et laicis tam presentibus quam futuris Rodbertus Dei gratia Sancti Andree Episcopus salutem Notum sit vobis omnibus quod nos coram domino nostro Rege David et Turstino Archiepiscopo Eboracensi et Rannulfo Dunelmensi Episcopo Johanne Episcopo Glascuensi et Gaufrido Abbate Sancti Albani et aliis multis personis convocavimus Algarum Priorem Sancti Cuthberti de Dunelmo ante hostium Ecclesie Sancti Johannis Evangeliste in Rokesburc ibique quantum ad episcopalem auctoritatem pertinet presentis carte attestatione ac munimine clamavimus concessimus et confirmavimus Ecclesiam de Coldingham liberam et quietam in perpetuum tam a nobis quam a successoribus nostris ab omni calumpnia consuetudine Cana vel Cunevethe atque ab omni servitio quod ad nos pertinet vel ad successores nostros Quare volumus ut episcopali auctoritate confirmamus quatenus ecclesia de Coldingham et omnes ecclesie vel capelle que amodo canonice ad ecclesiam Sancti Cuthberti pertinuerint libere et quiete sint in perpetuum ab omni episcopali auxilio Cana et Conevethe ita ut liberiores et quietiores sint quam alique alie ecclesie abbatiarum que fuerint in Lothoneio Et prohibemus ne aliquis amodo episcopus archidiaconus vel decanus aliquam omnino ulterius consuetudinem vel auxilium ab eis exigat nisi forte gratis dare voluerint Hec omnia fecimus prece et consilio domini Regis David et predictorum Episcoporum fratrum nostrorum pro amore Sancti Cuthberti et fraternitate Dunelmensium monachorum XVI Kalendas Augusti in festo Sancti Kentigerni Martyris anno ab incarnatione Domini MCXXVII Testibus presentibus Rodberto fratre meo Blahano presbitero de Litun Adulfo presbitero de Aldehamstoc Henrico presbitero de Leinhale Orm presbitero de Edenham et Johanne presbitero de Ledgardeswde Godwino dapifero Godwino camerario meo et Balsan cum multis aliis personis religiosis tam clericorum quam laicorum