Charter Document - 05130055
| Charter Number: | 05130055 |
|---|---|
| Cartulary Title: | Early Scottish Charters Prior to A.D. 1153 |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1125 |
| Date type: | Assigned |
| Resource Link(s): |
People of Medieval Scotland |
Charter:
Honorius Episcopus servus servorum Dei dilecto filio David illustri Scottorum Regi salutem et apostolicam benedictionem Oportet devotos et humiles beati Petri discipulos que ad honorem sancte Romane Ecclesie spectare cognoverint attentius operari Unde nobilitate tue rogando mandamus ut dilectum filium nostrum Johannem Cardinalem cui vices nostras in partibus illis commisimus reverenter suscipias et honores Episcopos etiam terre tue cum ab eo vocati fuerint ad concilium suum facies convenire Controversiam que inter Thurstanum Eboracensem Archiepiscopum et episcopos terre tue diu agitata est eidem legato nostro diligentius indagandam discutiendamque committimus Finalem vero sententiam apostolice sedis judicio reservamus Data Laterani Idibus Aprilis