Charter Document - 05130044
| Charter Number: | 05130044 |
|---|---|
| Cartulary Title: | Early Scottish Charters Prior to A.D. 1153 |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1122 |
| Date type: | Assigned |
| Resource Link(s): |
People of Medieval Scotland |
Charter:
Calixtus Episcopus servus servorum Dei venerabili fratri Johanni Glasguensi Episcopo salutem et apostolicam benedictionem Eboracencis ecclesie postulatione a domino predecessore nostro sancte memorie Paschale Papa in Episcopum consecratus es quam profecto benignitatem cum humiliter recognovisse debueris in tantam [uti accipimus] superbiam elevatus es ut metropolitano tuo Eboracensi Archiepiscopo nec pro nostro etiam precepto professionem volueris exhibere Contemptus hujus pertinaciam nos diutius pati non posse pro certo cognoveris Propter quod repetita tibi preceptione precipimus ut Eboracensem ecclesiam in cuius capitulo tanquam eius suffraganeus electus es non ut ingratus filiis recognoscas matrem tuam et venerabili fratri nostro Thurstino metropolitano tuo professionem exhibeas Alioquin sententiam quam ipse in te canonica equitate protulerit nos auctore Deo ratam habemus Data Tarenti XVIII Kalend Februarii