Charter Document - 05130043
| Charter Number: | 05130043 |
|---|---|
| Cartulary Title: | Early Scottish Charters Prior to A.D. 1153 |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1122 |
| Date type: | Assigned |
| Resource Link(s): |
People of Medieval Scotland |
Charter:
Calixtus Episcopus servus servorum Dei illustri et glorioso Scottorum Regi Alexandro salutem et apostolicam benedictionem Pro episcoporum qui in tuo sunt regno presumptione atque pro venerabilis fratris T[urstini] Eboracensis Archiepiscopi negotio alias ad te jam litteras misimus sed in nullo apud te usque adhuc uti comperimus exauditi sumus Quamobrem nobilitatem tuam litterarum presentium visitatione in Domino commonentes precipimus ut regni tui episcopos sese invicem consecrare absque metropolitani licentia nullatenus non permittas Cum autem ecclesiarum opportunitas exegerit ad metropolitanum tuum Eboracensem videlicet Archiepiscopum electi reverenter accedant et aut per ejus manum aut si necessitas ingruerit per ejusdam licentiam consecrationem accipiant Cui nimirum Archiepiscopo et illos et teipsum tanquam patri et magistro humiliter obedire apostolica auctoritate precipimus Datum Tarenti decimo octavo Kal Februarii