Charter Document - 05130037
| Charter Number: | 05130037 |
|---|---|
| Cartulary Title: | Early Scottish Charters Prior to A.D. 1153 |
| Charter Language: | Latin |
| Charter Origin: | Royal |
| Charter Type(s): | Letter |
| Date: | 1120 |
| Date type: | Assigned |
| Resource Link(s): |
People of Medieval Scotland |
Charter:
Alexander Dei gratia Rex Scottorum Radulfo reverendo Cantuariensi Archiepiscopo et cum reverentia diligendo salutem Audita prosperi adventus vestri in Angliam jamdiu a me desiderati manifesta relatione de incolumitate ac prosperitate vestra congaudens summoque protectori gratias inde referens cum temporalium undique occupatio curarum iter meum ut vestra ad presens valeam frui presentia impediat tam litterarum designatione quam legatorum relatione animi mei affectum vestre bonitati cupio manifestare Tante etenim discretionis persone fretus consilio bonum propositum peroptime ad boni operis effectum [Deo annuente] non dubito me posse perducere Vestram igitur latere nolo excellentiam ecclesiam Sancti Andree in regno meo existentem jamdiu pastoral cura destitutam Dei et vestre benignitatis providentia pastore idoneo desiderantem me velle consolari Quo circa vestre pietatis deposco clementiam ut quandam personam a plerisque mihi laudatam Eadmerum scilicet monachum si vobis idonea visa fuerit ut pontificali inthronizetur dignitate mihi liberam concedatis Verens enim summum pastorem me graviter offendisse cum gregem suum negligentia mea aliisque forsan criminibus impedientibus pastoris penuria desolatum et a tramite veritatis in pluribus ex orbitatum diu permiserim filiali etiam timore timens in hac re eum amodo offendere ad vestre fontem discretionis recurro ut pristine memor existens dilectionis inter nos habite me filium vestrum paterno affectu spiritualiter jamdiu a vobis adoptatum vestri munimine consilii in hac re tueamini Vale
Source (click image below to view full size)
