Charter Document - 05130024
| Charter Number: | 05130024 |
|---|---|
| Cartulary Title: | Early Scottish Charters Prior to A.D. 1153 |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 1105 |
| Date type: | Assigned |
| Resource Link(s): |
Durham Cathedral Archive - Cartularium Vetus (f114v) People of Medieval Scotland |
Charter:
Omnibus sancte matris ecclesie filiis Thor longus in Domino salutem Sciatis quod Edgarus dominus meus Rex Scottorum dedit mihi Ednaham desertam quam ego suo auxilio et mea propria pecunia inhabitavi et ecclesiam in honorem Sancti Cuthberti fabricavi quam ecclesiam cum una carrucata terre Deo et Sancto Cuthberto et monachis ejus in perpetuum possidendam dedi Hanc igitur donationem feci pro anima domini mei regis Edgari et pro animabus patris et matris illius et pro salute fratrum et sororum ipsius et pro redemptione Leswini fratris mei dilectissimi et pro meimet ipsi tam corporis quam anime salute Et si quis hanc meam donationem Sancto predicto et monachis sibi servientibus aliqua vi vel ingenio auferre presumpserit auferat ab eo Deus Omnipotens vitam regni celestis et cum diabolo et angelis ejus penas sustineat eternas Amen
Source (click image below to view full size)
