Charter Document - 05130014
| Charter Number: | 05130014 |
|---|---|
| Cartulary Title: | Early Scottish Charters Prior to A.D. 1153 |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 1093 - 1107 |
| Date type: | Assigned |
| Resource Link(s): |
People of Medieval Scotland |
Charter:
Edelradus vir venerande memorie filius Malcolmi Regis Scotie Abbas de Dunkeldense et insuper Comes de Fyf contulit Deo Omnipotenti et Sancto Servano et keledeis de insula Louchleuen cum summa reverentia et honore et omni libertate et sine exactione et petitione cujusquam in mundo episcopi vel regis vel comitis Admore cum suis rectis terminis et divisis Et quia illa possessio fuit illi tradita a parentibus suis cum esset in juvenili etate idcirco cum majori affectione et amore illam obtulit Deo et Sancto Servano et prefatis viris Deo servientibus et ibidem servituris Et istam collationem et donationem primo factam confirmaverunt duo fratres Hedelradi scilicet David et Alexander in presentia multorum virorum fidedignorum scilicet Constantini comitis de fyf viri discretissimi et Nesse et Cormac filii Macbeath et Malnethte filii Beollani sacerdotum de Abyrnethyn et Mallebride alterius sacerdotis et Thuadhel et Augustini sacerdotis keledeorum Berbeadh rectoris scolarum de Abyrnethyn et coram cetibus totius universitatis tunc de Abyrnethyn ibidem degentibus et coram Deo Omnipotenti et Omnibus Sanctis Et ibi data est plenarie et universaliter ab omnibus sacerdotibus clericis et laicis maledictio Dei Omnipotentis et Beate Marie Virginis et Omnium Sanctorum ut Dominus Deus daret eum in exterminium et perditionem et in omnes illos quicunque irritarent et revocarent et deminuerent elemosinam de Admore Omni populo respondente fiat Amen
Source (click image below to view full size)
