Charter Document - 05130002
| Charter Number: | 05130002 |
|---|---|
| Cartulary Title: | Early Scottish Charters Prior to A.D. 1153 |
| Charter Language: | Latin |
| Charter Origin: | Religious |
| Charter Type(s): | Letter |
| Date: | 0782 - 0804 |
| Date type: | Assigned |
| Resource Link(s): |
|
Charter:
Alcuinus ad fratres Sancti Niniani Candide Case Venerande dilectionis fratribus in loco Deo servientibus qui dicitur Candida Casa Alcuinus diaconus salutem Deprecor vestre pietatis unanimitatem ut nostri nominis habeatis memoriam et intercedere pro mea parvitate dignemini in ecclesia sanctissimi patris nostri Nynia episcopi qui multis claruit virtutibus sicut mihi nuper delatum est per Carmina metrice artis que nobis per fideles nostros discipulos Eboracensis ecclesie scholasticos directa sum in quibus et facientis agnovi eruditionem et ejus perficientis miracula sanctitatem per ea que ibi legebam Quapropter obnixius deprecor ut sanctis orationibus vestris illius me precibus commendare studeatis quatenus per ejusdem patris vestri piissimas preces et vestre caritatis assiduas intercessiones peccatorum meorum veniam Deo Christo miserante accipere merear et ad sanctorum pervenire consortia qui seculi labores fortiter vicerunt et ad coronam perpetue laudis pervenerunt Direxi ad sancti patris nostri Nyniga corpus [velum] holosericum ob memoriam nostri nominis ut illius atque vestram piam merear intercessionem habere semper Protegat atque regat Christi vos dextera fratres
Source (click image below to view full size)
