Charter Document - 05120010

Edwardus Dei gratia Rex Anglie Dominus Hibernie et Dux Aquitannie omnibus ad quos presentes littere pervenerint salutem Sciatis quad cum per cartam celebris memorie Domini Edwardi nuper Regis Anglie avi nostri concessum existat Burgensibus ville nostre Notingham quod iidem Burgenses singulis annis in festo Sancti Michaelis eligant unum Majorem de se ipsis ut presit Ballivis et aliis de eadem villa in omnibus que pertinent ad utriusque burgi ville illius regimen et juvamen et quod statim eadem electione facta eligant unum Ballivum de uno burgo et alium de alio burgo pro diversitate consuetudinum in eisdem burgis habitarum qui ea que pertinent ad officium suum exequantur et prefati Burgenses nobis supplicaverint quod cum ipsi in uno burgorum predictorum propter paupertatem et insufficientiam inhabitantium in eodem ballivum sufficientem ad officium illud exequendum ad presens nequeant invenire velimus eis concedere quod ipsi in eadem villa in locis ubi melius viderint expedite dictos duos ballivos eligere possint Nos eorum supplicationi favorabiliter annuentes in hac parte concessimus eis quod ipsi post electionem de eodem Majore ut premittitur factam dictos duos Ballivos de melioribus et magis sufficientibus ejusdem villas in locis ubi melius viderint expedite qui ea que ad officium suum pertinent exequantur eligere valeant dictis verbis in predicta carta ipsius avi nostri contentis non obstantibus In cujus rei testimonium has litteras nostras fieri fecimus patentes quamdiu nobis placuerit duraturas Teste me ipso apud Wodestok primo die Maii anno regni nostri quarto