Charter Document - 05110174
| Charter Number: | 05110174 |
|---|---|
| Cartulary Title: | Cartulaire de l'Abbaye de Saint-Martin de Pontoise |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1173 - 1176 |
| Date type: | Assigned |
| Resource Link(s): |
Cartulaires d'Île-de-France |
Charter:
Alexander episcopus servus servorum Dei Dilectis filiis abbati et fratribus Sti Martini Pontisarensis salutem et apostolicam benedictionem Justis petentium desideriis dignum est nos facilem prebere consensum et vota que a rationis transitu non discordant effectu sunt prosequente complenda Ea propter dilecti in Domino filii vestris justis postulationibus grato concurrentes assensu ecclesiam de Charz cum capella Teobaldi de Gizortio in ea libertate in qua ipsam vobis et monasterio vestro venerabilis frater noster R[otrodus] Rothomagensis archiepiscopus cum assensu patronorum ejusdem ecclesie rationabiliter contulit et scripto proprio confirmavit vobis et per vos prescripto monasterio vestro auctoritate apostolica confirmamus et presentis scripti patrocinio communimus Statuentes ut nulli omnino hominum liceat hanc paginam nostre confirmationis infringere vel ei aliquatenus contraire Si quis autem hoc attemptare presumpserit indignationem omnipotentis Dei et Beatorum Petri et Pauli apostolorum ejus se noverit incursurum Datum Anagne xi Kal Augusti