Charter Document - 05110148
| Charter Number: | 05110148 |
|---|---|
| Cartulary Title: | Cartulaire de l'Abbaye de Saint-Martin de Pontoise |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1161 |
| Date type: | Assigned |
| Resource Link(s): |
Cartulaires d'Île-de-France |
Charter:
Domino suo carissimo Ludovico Dei gratia illustri Francorum Regi H suus et Rothomagensis archiepiscopus salutem honorem et prosperitatem Abbatia Sti Martini de Pontisara a principio sue fondationis post Dominationis vestre Principatum ad Rothomagensem ecclesiam et ad ejus archiepiscopum pertinet singulariter in abbatis electione et consecratione et in omni alio jure Nunc autem monachi Cluniacenses nescio qua nova adinventione eam sibi in subjectionem vendicari nituntur Unde Vestre Regie Sublimitati humiliter supplicamus quatinus eandem ecclesiam que vestra est in sua libertate conservari precipiatis in ea videlicet qua nos tenuimus et predecessores nostri tempore vestro et vestrorum antecessorum Conservet vobis Deus vitam et salutem per tempora longa