Charter Document - 05101169
| Charter Number: | 05101169 |
|---|---|
| Cartulary Title: | Chartes de communes et d'affranchissements en Bourgogne |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1212 |
| Date type: | Internal, A.D. |
| Resource Link(s): |
Reference Document for this Embedded Document |
Charter:
In nomine sancte et individue Trinitatis Amen Quoniam ea que inter homines fiunt labuntur pro modico nisi litterarum memorie tradantur Icirco ego Odo dux Burgundie abergamento meo de Nuid et hominibus inibi subtus me commorantibus libertatem quamdam in perpetuo tenendam concessi ut michi et meis in futurum proficiat et aliis idem videntibus vel audientibus perveniat in exemplum Ea propter ego Odo dux Burgundie notum facio præsentibus et futuris me quit asse omnes homines ejusdem abergamenti subtus me commorantes ab omni tallia et exactione Excepto quod pro quolibet manso ejusdem abergamenti michi vel mandato meo quindecim solidos in festo beati Dionisii persolvent Nolens etiam quod dictum abergamentum propriis occasionibus ballivorum gravaretur si aliquid fore factum ibidem emerserit præpositus non per se solum sed ad aspectum duorum vel trium prudentium virorum ejusdem ville ad hoc electorum fore factum judicabit et levabit secundum usus et consuetudines pristinas Hæc omnia dicto abergamento concessi salvis pristinis justiciis meis Quod ut ratum habeatur præsentem paginam annotatam sigilli mei testimonio confirmavi Actum apud Belnam anno gratie MCC duodecimo mense aprili Datum per manum Hugonis cancellarii mei adstantibus in curia mea quorum nomina subscripta habentur Gaucherio de Castellione comite Sancti Pauli senescaulo meo Poncio de Granceio constabulone meo Hugone de Laeio marescallo meo