Charter Document - 05100260
| Charter Number: | 05100260 |
|---|---|
| Cartulary Title: | Chartes de communes et d'affranchissements en Bourgogne |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1221 |
| Date type: | Internal, A.D. |
| Resource Link(s): |
|
Charter:
Ego G Sancti Benigni et P Sancti Stephani Divionensis abbates omnibus præsentes litteras inspecturis salutem Universitati vestre scire volumus quod nobilis mulier Alaydis ducissa Burgundie ad preces domini Henrici de Saliva talem libertatem qualem dictus Henricus constituit hominibus qui morantur in parte sua de Saliva et mansuri sunt tenetur facere erga dominum Henricum et heredes ejus Et talis est libertas quod homo persolvet annuatim quinque solidos et duos quartulos bladi medietatem frumenti et medietatem avene et de qualibet bestia trahenti ad aratrum duos quartulos bladi medietatem frumenti et medietatem avene et de manso suo debet quelibet familia unum quartulum avene et duodecim denarios et unam gallinam et corveias aratorum semel in una quacumque saison et de una quaque domo unum hominem in messibus et alium in fenationibus et si opus fuerit chevauchiam et decimas magnas reddent illis quibus debentur sicut consueverunt et tertias debent adducere ad illam villam et computare ante hostia commutas decimas leguminum reddent in agris per muncellos dicto Henrico et heredibus suis cujus Henrici et heredum suorum homines ad opus fortitudinis ville faciende tenentur communiter sicut alii Et prefatus Henricus dominus de Saliva vel heredes sui de tali libertate vellent hominibus in aliquo injuriari predicta ducissa predictis hominibus dampna sua restaurare tenetur et de dampnis istis restauratis ducissa se teneret ad dictum Henricum et heredes suos et ad eorum sicut dictus Henricus eis precepit et pro tali libertati firmiter observanda debet quelibet familia ducisse annuatim unum quartulum avene Sed mandatum ducisse debet significare ad festum Omnium Sanctorum famulo domini Henrici ut usque ad octo dies bladum illud sit paratum ad persolvendum Et in villa de Saliva debet nuncius ducisse recipere illud bladum Et sciendum est quod Aymo maior de Saliva et heredes sui et tenementum suum a tali libertate excipiuntur Salvis premissis constitutionibus retinuit sibi et heredibus suis dictus Henricus justiciam suam in hominibus suis de Saliva et de forefactis eorum ita quod si aliquis fore fecerit persolvet emendam forefacti sui dicto Henrico et heredibus suis secundum quod rectum judicium apportabit Preterea dictus Henricus voluit et precepit quod predicti homines sui tenerentur in perpetuum servire predicto modo ducibus Burgundie successive qui dictos homines voluerunt tenere In cujus rei testimonium præsentes litteras ad petitionem utriusque partis sigillis nostris sigillavimus Actum anno Domini millesimo ducentesimo vigesimo primo in junio