Charter Document - 05100253

Universis præsentes litteras inspecturis Guido Dei gratia Lingonensis episcopus salutem in Domino Noveritis quod cum discordia verteretur inter religiosos viros abbatem et conventum Besuensem ex una parte et homines ac habitantes in villa Besuensis ex altera super eo quod quidam de dictis hominibus seu habitantibus in dicta villa de relicto dominio dictorum abbatis et conventus ad alia loca causa morandi se transtulantur sub dominio alieno dictus que abbas ad bona ipsorum assignaverat asserens eadem incidisse in commissum et quod dicta bona habere seu tenere non poterant nec debebant extra ipsorum dominium commorando Dictis hominibus et habitantibus asserentibus in contrarium quod hoc facere poterant et debebant et super hoc inter dictas partes fuisset diutius accercatum et dampna ac gravamina hinc inde dicerentem illata seu etiam sussecuta Tandem nobis existentibus apud Besuam anno Domini MCC octuagesimo sabbata ante dominicam qua cantatur Lætare Jherusalem dicto abbate ac procuratoribus dictorum hominum et habitantium videlicet Jacquino Bertot Petro Donisii Bartholomeo Verniot Guillermo Caorsino Giraudo Guidonis Philippo Chamberet et Guillermo Corsenet præsentibus coram nobis dictis procuratoribus habentibus mandatum et potestatem componendi et transigendi [] mediantibus bonis viris talis compositio et concordia intercessit inter partes superius nominatas Videlicet quod homines seu habitantes Besue qui a dicta villa et a dominio dictorum religiosorum recesserant renuntiantes expresse dominio alterius cujuscumque præter quam dominio dictorum abbatis et conventus ad eorumdem religiosorum dominium apud Besuam redirent quod Bartholomeus Vernioz Guillermus Caorcinus Bricius Carnifex Petrus Estorne Vannerius Douzelez Robertus Jayez Oygerius Peyus Arbelinus de Verones Hugo Chodiez Lambertus Magnus Odo Deserrée et Stephanus Boegez fecerunt in nostra præsentia constituti Hoc acto specialiter et expresse inter partes quod per ea que facta sunt hinc et inde preposita sive dicta nec prejudicium generetur nec jus aliquod parti alternutri in posterum acquiratur sed omnia quantum ad libertates consuetudines bonos usus jura ac etiam servitutes hinc et inde sint in statu in quo erant per mensem antequam de dictorum religiosorum dominio recessissent Quas libertates consuetudines bonos usus dictus abbas promisit in verbo sacerdotis dictis hominibus et habitatoribus custodire et in posterum inviolabiliter observare dicti que procuratores nomine suo et hominum seu habitantium predictorum vice versa se servaturos dicto abbati bonos usus consuetudines prelibatas ac omnia supradicta juramento corporali prestito firmaverunt Actum fuit etiam inter ipsas partes ac etiam concordatum quod pro dampnis et gravaminibus que facta et illata dicebantur abbati et conventui memoratis occasione predicta dicti homines et habitantes apud Besuam solvent et reddent dicto abbati pro bono pacis non ratione emende ducentas libras turonenses infra festum Omnium Sanctorum proximo venturum Licet dicti homines seu habitantes non confiterentur se dicta dampna seu gravamina intulisse Ita tamen quod pro hoc ipsis quantum ad suas libertates franchisias consuetudines et bonos usus nullum prejudicium in posterum generetur Actum fuit etiam et concordatum inter ipsos quod super discordia monete stabitur ordinationi seu compositioni facte per venerabiles viros magistrum Lambertum archidiaconum Laticensem magistrum P officialem et Viardum baillivum Lingonensem prout in litteris sigillis eorumdem sigillitatis plenius continetur Actum fuit etiam inter ipsos quod mille et sexaginta libre turonenses nobis debite pro quadam emenda et trecente libre turonenses quas dicti homines abbati predicto dederunt cum ducentis libris predictis et omnes alie expense facte per dictos procuratores pro dicto negotio usque ad diem qua fuit tractatus pacis habitus hospitali de Accellis super dicta emenda inter gentes nostras et dictos procuratores leventur communiter ab hominibus et habitantibus dicte ville si aliquid super est Ad levandum expense vero facte post dictum pacis tractatum factum in hospitali predicto per dictos procuratores pro negotio dicte ville leventur communiter nisi aliquis legitimus apparuerit contradictor qui causam extendat rationabilem quare levari non debent de communi et tunc abbas de hoc faciat de plano quod justitia sua debet Dictam autem compositionem concordiam et omnia supra dicta laudaverunt voluerunt approbaverunt et eisdem consenserunt expresse frater Johannes Prior et conventus Besuensis coram nobis dicta die in capitulo dicti loci In cujus rei testimonium ad requisitionem dictorum abbatis et conventus et procuratorum predictorum ac eorum qui a dominio dictorum abbatis et conventus recesserant superius expressorum sigillum nostrum præsentibus litteris duximus apponendum Datum anno et die predictis